ქუთაისიპოსტი

ქუთაისში, დღეს, 26 სექტემბერს, 71-ვე საარჩევნო უბანი ოფიციალურად გაიხსნა.
დღესვე, საუბნო საარჩევნო კომისიის წევრებმა ეთიკის კოდექს ხელი მოაწერეს. 

ისინი ამ ხელოწერით თანხმდებიან, რომ 26 ოქტომბრის არჩევნებისთვის საქართველოს კანონმდებლობით, არჩევნების საერთაშორისოდ აღიარებული სტანდარტებით და აღნიშნული ეთიკის კოდექსით იხელმძღვანელებენ.

"ყველა უბანი დღეს გაიხსნა ოფიციალურად. 71-ვე უბანზე მისული არიან კომისიის  წევრები, ხელმძღვანელი პირები. დღეს, 14:00 საათზე, ეთიკის კოდექსაც მოაწერეს ხელი უბნის კომისიის წევრებმა",- განმარტა ქუთაისის საოლქო საარჩევნო კომისიის თავმჯდომარემ, ლარინა ლალიაშვილმა.

ეთიკის კოდექს ხელი მოაწერეს #16 საარჩევნო უბანზეც, რომელიც ქუთაისის მესამე საჯარო სკოლის შენობაშია გახსნილი.

უბნის საარჩევნო კომისიის თავმჯდომარის, მაია ცხვედიანის თქმით, საარჩევნო უბანი ყოველდღე, დილის 10:00 საათიდან და 18:00 საათამდე იმუშავებს. 

"დღეში ორი ადამიანი იქნება მორიგე - 10:00-დან 14:00 საათამდე ერთი, 14:00-დან 18:00 საათამდე - მეორე. ვიმუშავებთ ეთიკის კოდექსის წესების დაცვით და ნორმალურად ჩავატარებთ არჩევნებს", -  განმარტა მან. 

დღესვე ყველა საარჩევნო უბანზე ამომრჩეველთა სიები, ამომრჩეველთა სიების გაცნობისა და სიებთან დაკავშირებით საჩივრის შეტანის წესი გამოიკრა.

იმ მოქალაქეებმა, რომლებიც ხმის მიცემას გადასატანი საარჩევნო ყუთით აპირებენ, საუბნო საარჩევნო კომისიებს 15 ოქტომბრის 18:00 საათის ჩათვლით უნდა მიმართონ.

საუბნო საარჩევნო კომისიის წევრთა ეთიკის კოდექსით, ხელმომწერი წვერი პატივს უნდა სცემდეს კანონს; უნდა დაიცვას პოლიტიკური ნეიტრალიტეტი; უნდა იყოს კეთილსინდისიერი, დამოუკიდებელი, მიუკერძოებელი და ობიექტური; უნდა იყოს პროფესიონალი; უნდა იყოს თავაზიანი, კოლეგიალური და კომუნიკაბელური; უნდა მოქმედებდეს ღიად და გამჭვირვალედ.

ქუთაისში, ამ დროისთვის, 152 497 ამომრჩეველია რეგისტრირებული.

26 ოქტომბერს, საქართველოში, საპარლამენტო არჩევნები გაიმართება.


ამავე თემაზე:

ქუთაისის საოლქო საარჩევნო კომისიის წევრებმა ეთიკის დოკუმენტს ხელი მოაწერეს

საარჩევნო უბნები, რომლებიც ქუთაისში, 26 ოქტომბერს, გაიხსნება (ჩამონათვალი)