ქუთაისიპოსტი

ხაჭაპურის მცხობელი იმერელი ბებო - სტენსილი, რომელიც ქუთაისის ერთგვარ სავიზიტო ბარათად იქცა, ფასადიდან მოაშორეს.

ამის მიზეზი, როგორც ქუთაისის მერიაში განმარტავენ, იმ შენობის სარეაბილიტაციო სამუშაოებია, რომელი შენობის ფასადზეც "ბებო" იყო დახატული. 

"ბებო კედლის რეაბილიტაციის შემდეგ, კვლავ დაიხატება და მას ისევ ავტორი, უკრაინელი მხატვარი საშა კორბანი დახატავს",- გვითხრეს მერიის პრესსამსახურში. 

რატომ მოხატეს აღნიშნული შენობა (დაახლოებით ერთი წლის წინ), თუკი ის სარეაბილიტაციო იყო, ამ კითხვაზე მერიაში ვერ გვპასუხობენ. 



ბებოს სტენსილი, kutaisi Mural fest-ის ფარ­გლებ­ში, უკრაინელმა მხატვარმა საშა კორბანმა, გასული წლის ივლისში, მოხატა. 

სტენსილზე რეალური ადამიანია გამოსახული. ბებო, რომელსაც ნახატზე ხელები ფქვილში აქვს და ხაჭაპურს ამზადებს, 81 წლის დალი დოღონაძეა. 

ფოტო: ზურა გელაშვილი