ქუთაისიპოსტი

სტუდენტების გაფიცვას, ბიძინა ივანიშვილის მიერ დაფუძნებული „ქუთაისის საერთაშორისო უნივერსიტეტის“ სტუდენტებიც შეურთდენენ.
"გვინდა გამოვეხმაუროთ მიმდინარე მოვლენებს და კიდევ ერთხელ მკაფიოდ დავაფიქსიროთ, რომ "კიუს" სტუდენტები დგანან იქ, სადაც დგას თავისუფალი საქართველო შესაბამისად, ჩვენ ვუერთდებით ქვეყანაში არსებულ საერთო სტუდენტურ პროტესტს და ვტოვებთ აუდიტორიებს იქამდე, სანამ ხელისუფლება ე.წ. „გამჭვირვალობის კანონს“ უკან არ გაიწვევს
დიდება საქართველოს!“, -  წერია სტუდენტების მიერ გავრცელებულ განცხადებაში. 

13 მაისიდან გაფიცვას უერთდებიან აკაკი  წერეთლის უნივერსიტეტის სტუდენტებიც, რომლების საპროტეტსო მსვლეობისთვის ემზადებიან. 



გაფიცვას ასევე უერთდებიან:

თბილისის სახელმწიფო უნივერსიტეტის სტუდენტები;

ილიას სახელმწიფო უნივერსიტეტის სტუდენტები;

GIPA-ს სტუდენტები;

საქართველოს უნივერსიტეტის სტუდენტები;

ალტე უნივერსიტეტის სტუდენტები;

თბილისის სამხატვრო აკადემიის სტუდენტები;

კავკასიის უნივერსიტეტის სტუდენტები;

ბათუმის შოთა რუსთაველის უნივერსიტეტის სტუდენტები;

ბიზნესისა და ტექნოლოგიების უნივერსიტეტის სტუდენტები;

თბილისის სახელმწიფო სამედიცინო უნივერსიტეტის სტუდენტები;

საქართველოს ეროვნული უნივერსიტეტის სტუდენტები;

შავი ზღვის საერთაშორისო უნივერსიტეტის სტუდენტები;

თავისუფალი და აგრარული უნივერსიტეტის სტუდენტები;

საქართველოს შოთა რუსთაველის თეატრისა და კინოს სახელმწიფო უნივერსიტეტის სტუდენტები;

გრიგოლ რობაქიძის სახელობის უნივერსიტეტის (თბილისის წარმომადგენლობა) სტუდენტთა ნაწილი, უნივერსიტეტის თვითმმართველობისა და ადმინისტრაციისაგან დამოუკიდებლად;

სამცხე-ჯავახეთის სახელმწიფო უნივერსიტეტის სტუდენტები.

სტუდენტების განცხადებით, ისინი ადიტორიებში მანამ არ დაბრუნებდებიან, ვიდერ "ქართული ოცნება" რუსულ  კანონს უკან არ გაიწვევს. 

ქართულმა ოცნებამ“ რუსული კანონი, დღეს, პარლამენტის იურიდიულ საკითხთა კომიტეტის სხდომაზე მესამე მოსმენით განიხილეს და მხარი დაუჭირეს

კანონპროექტის მიხედვით, ორგანიზაციებს, რომლებიც დაფინანსების 20%-ზე მეტს უცხოეთიდან იღებენ „უცხოური ძალის ინტერესების გამტარებლის“ სტატუსი მიენიჭებათ. კანონპროექტი უცხოური ძალის ინტერესების გამტარებელ ორგანიზაციად რეგისტრაციის ვალდებულებას ადგენს, რომლის დარღვევისთვის ფინანსური სანქციებია გათვალისწინებული.

ანალოგური შინაარსის კანონი რუსეთშიც მოქმედებს, რაც დამოუკიდებელი მედიასაშუალებებისა და საზოგადოებრივი ორგანიზაციების ფაქტობრივი გაქრობის მიზეზი გახდა.

ამ კანონს, რომლის მიზანიც ქვეყანაში დასავლური დაფინანსების მქონე ორგანიზაციების დისკრედიტაცია და შეზღუდვაა, საქართველოში არაერთი საზოგადოებრივი ჯგუფი ეწინააღმდეგება. ამასთან, წინააღმდეგია აშშ, ევროკავშირი და არაერთი დასავლური ორგანიზაცია.