ქუთაისიპოსტი

საერთაშორისო გამჭვირვალობა — საქართველოს ანგარიშის მიხედვით, 2023 წელს ჟურნალისტებზე ძალადობის 45-მდე შემთხვევა დაფიქსირდა და ეს ტენდენციები 2024 წელსაც გაგრძელდა.
ორგანიზაცია ძალადობის სამ ძირითად კატეგორიას გამოყოფს:

ჟურნალისტების მიმართ საპროტესტო აქციებზე განხორციელებულ ძალადობა, მათი დაკავებები და დაჯარიმებები.
მედიის წარმომადგენლების მიმართ ღია თავდასხმები;
მედიის წარმომადგენლების მიმართ მუქარისა და სავარაუდო დაშინების მცდელობები;

საერთაშორისო გამჭვირვალობა - საქართველო ასახელებს სამ შემთხვევას, რომელიც პროფესიული მოვალეობის შესრულების დროს ჟურნალისტების საპროტესტო აქციებზე დაკავებასა და მათ დაჯარიმებას უკავშირდება, ესენია:

ონლაინგამოცემა „პუბლიკას“ დირექტორის, ზურა ვარდიაშვილის დაკავება „რუსული კანონის“ წინააღმდეგ გამართულ აქციაზე (2 მარტი, 2023);

ონლაინგამოცემა „ტაბულას“ ჟურნალისტის, ბექა ჯიქურაშვილის დაკავება „რუსული კანონის“ წინააღმდეგ გამართულ აქციაზე (2 მარტი, 2023);

ონლაინგამოცემა „მთის ამბების“ რედაქტორის გელა მთივლიშვილის დაკავება კეკელიძის ქუჩაზე გამოსახლების გაპროტესტებისას (23 იანვარი, 2024)

''ჟურნალისტური ეთიკის ქარტიის განცხადებით ჟურნალისტების დაკავების დამკვიდრებული პრაქტიკა საქართველოს სისხლის სამართლის კოდექსის (154-ე მუხლი) დარღვევა და დანაშაულია. ჯარიმის ოდენობა სამივე ჟურნალისტი დააჯარიმეს დისპროპორციული ჯარიმებით 2000-2200 ლარით, რაც არის პრობლემა, რადგან "ჯარიმის ოდენობა მნიშვნელოვნად აღემატება ჟურნალისტების ყოველთვიურ შემოსავალს ჟურნალისტების დასჯის დემონსტრირებას აქვს "მსუსხავი ეფექტი" სხვა ჟურნალისტებსა და მთლიანად, მედიაგარემოზე", - ნათქვამია ანგარიშში. 

ორგანიზაცია ასევე აღნიშნავს, რომ სამივე საქმე თბილისის საქალაქო სასამართლოს მოსამართლემ ნინო შჩერბაკოვმა განიხილა,  რაც ბადებს ეჭვებს სასამართლოს დამოუკიდებლობასა და მიუკერძოებლობაზე. 

ასევე, TI-ის მიხედვით, სამართალდარღვევათა კოდექსის ინსტრუმენტალიზაცია მედიის წინააღმდეგ, არსებული გამოწვევების მხოლოდ ერთი ასპექტია და კიდევ უფრო თვალშისაცემი და საყურადღებოა საჯარო ჩართულობის წინააღმდეგ სტრატეგიული (ე.წ. SLAPP) სარჩელების ზრდის ტენდენციაც და კოორდინირებული შეტევები დამოუკიდებელ მედიაზე.