ახალი ამბები
სამუშაოებს შპს "ბი დი სი მოდერნ ჰაუსი", 554 600 ლარის სანაცვლოდ, შეასრულებს, რომელმაც ტერმინალის მოსაწყობად გამოცხადებულ ტენდერში [NAT230014938] გაიმარჯვა.
სატვირთო ტერმინალი, დღესდღეობით, მხოლოდ თბილისის აეროპორტს აქვს. ამდენად, რეგიონში საჰაერო გადაზიდვების კუთხით ახალი წერტილის გაჩენას კერძო სექტორში დადებითად აფასებენ.
EASY Charter-ის დირექტორი და დამფუძნებელი რატი ძერია, რომლის ავიაკომპანიაც მსოფლიოს მასშტაბით ტვირთის საჰაერო გადაზიდვებს უზრუნველყოფს, მიიჩნევს, რომ სატვირთო ტერმინალი ყველა აეროპორტს სჭირდება, რომ ეს სამგზავრო თვითმფრინავებისა და აეროპორტისთვის დამატებითი შემოსავალი იქნება, ამასთან, სამუშაო ადგილებსაც გააჩენს.
"ის ავიაკომპანიები, რომლებიც დღეს დაფრინავენ ქუთაისში, საერთოდ ვერ ატარებენ ტვირთს. ეს მათთვის არარსებული სეგნეტია. ვინაიდან დღეს მხოლოდ თბილისის აეროპორტია ერთადერთი ტვირთვის მიმღები თუ გამგზავნი, ფოთიდან თბილისამდე ტრანსპორტირება კი გარკვეულ შეზღუდვებთან არის დაკავშირებული (ფასი და დრო), ქუთაისის აეროპორტის შემთხვევაში ეს ყველაფერი გამოირიცხება",- განმარტავს რატი ძერია "ბიემჯისთან".
ის მიიჩნევს, რომ გეოგრაფიული მდებარეობისა, თუ მის ტერიტორიაზე გაფართოვების შესაძლებლობის გამო, ქუთაისის აეროპორტს უფრო მეტი პოტენციალი გააჩნია განვითარებისთვის, ვიდრე თბილისის. ამიტომ ძერიას სატვირთო ტერმინალის ქუთაისში აშენება სწორ გადაწყვეტილებად მიაჩნია.
"როცა საქართველოს ტრანზიტულ როლზე ვსაუბრობთ, უნდა გავითვალისწინოთ მულტიმოდალური გადაზიდვების პრინციპი. დღეს აქტიურად გამოიყენება სახმელეთო თუ სარკინიგზო, სარკინიგზო თუ საზღვაო ტრანსპორტის ურთიერთთანამშრომლობა, მაგრამ ავიაცია აქ ნაკლებად არის ჩართული. ამიტომ ქუთაისის აეროპორტის სიახლოვე ფოთის, ბათუმის, უახლოეს მომავალში ალბათ ანაკლიის პორტთან, დიდ პოტენციალს აძლევს ამ აეროპორტს. ავტობანის დამთავრება კი უფრო დაახლოვებს აეროპორტსა და პორტებს ერთმანეთთან. ამიტომ, ვფიქრობ, სწორი გადაწყვეტილებაა ამ ტერმინალის ქუთაისში აშენება",- განმარტა რატი ძერიამ.
ქუთაისის აეროპორტში გაფართოვების სამუშაოები ბოლო პერიოდში აქტიურად მიმდინარეობს. ამ ეტაპზე, ახალი ასაფრენ-დასაფრენი ზოლის პროექტირებაზე მუშაოებენ, რაც იმას ნიშნავს, რომ დავით აღმაშენებლის სახელობის აეროპორტი, სამომავლო პერსპექტივაში, დიდი ზომის საჰაერო ხომალდების მიღებას შეზღუდვების გარეშე შეძლებს.
აეროპორტების გაერთიანების ინფორმაციით, ახალი ასაფრენ-დასაფრენი ზოლის მშენებლობა აეროპორტთან ლოგისტიკური ცენტრისა და სატვირთო ტერმინალის განვითარების შესაძლებლობას შეუწყობს ხელს.
ქუთაისში, მარტიდან, სატვირთო ტერმინალის მშენებლობა დაიწყება
14:21 / 20.02.2024
ქუთაისის საერთაშორისო აეროპორტში მცირე ზომის სატვირთო ტერმინალი
აშენდება.
სამუშაოებს შპს "ბი დი სი მოდერნ ჰაუსი", 554 600 ლარის სანაცვლოდ, შეასრულებს, რომელმაც ტერმინალის მოსაწყობად გამოცხადებულ ტენდერში [NAT230014938] გაიმარჯვა.
როგორც აეროპორტების გაერთიანებაში განმარტავენ, პროექტირებაზე
მუშაობა უკვე დასრულდა, მარტიდან კი სამშენებლო სამუშაოები
დაიწყება.
სატვირთო ტერმინალი, დღესდღეობით, მხოლოდ თბილისის აეროპორტს აქვს. ამდენად, რეგიონში საჰაერო გადაზიდვების კუთხით ახალი წერტილის გაჩენას კერძო სექტორში დადებითად აფასებენ.
EASY Charter-ის დირექტორი და დამფუძნებელი რატი ძერია, რომლის ავიაკომპანიაც მსოფლიოს მასშტაბით ტვირთის საჰაერო გადაზიდვებს უზრუნველყოფს, მიიჩნევს, რომ სატვირთო ტერმინალი ყველა აეროპორტს სჭირდება, რომ ეს სამგზავრო თვითმფრინავებისა და აეროპორტისთვის დამატებითი შემოსავალი იქნება, ამასთან, სამუშაო ადგილებსაც გააჩენს.
"ის ავიაკომპანიები, რომლებიც დღეს დაფრინავენ ქუთაისში, საერთოდ ვერ ატარებენ ტვირთს. ეს მათთვის არარსებული სეგნეტია. ვინაიდან დღეს მხოლოდ თბილისის აეროპორტია ერთადერთი ტვირთვის მიმღები თუ გამგზავნი, ფოთიდან თბილისამდე ტრანსპორტირება კი გარკვეულ შეზღუდვებთან არის დაკავშირებული (ფასი და დრო), ქუთაისის აეროპორტის შემთხვევაში ეს ყველაფერი გამოირიცხება",- განმარტავს რატი ძერია "ბიემჯისთან".
ის მიიჩნევს, რომ გეოგრაფიული მდებარეობისა, თუ მის ტერიტორიაზე გაფართოვების შესაძლებლობის გამო, ქუთაისის აეროპორტს უფრო მეტი პოტენციალი გააჩნია განვითარებისთვის, ვიდრე თბილისის. ამიტომ ძერიას სატვირთო ტერმინალის ქუთაისში აშენება სწორ გადაწყვეტილებად მიაჩნია.
"როცა საქართველოს ტრანზიტულ როლზე ვსაუბრობთ, უნდა გავითვალისწინოთ მულტიმოდალური გადაზიდვების პრინციპი. დღეს აქტიურად გამოიყენება სახმელეთო თუ სარკინიგზო, სარკინიგზო თუ საზღვაო ტრანსპორტის ურთიერთთანამშრომლობა, მაგრამ ავიაცია აქ ნაკლებად არის ჩართული. ამიტომ ქუთაისის აეროპორტის სიახლოვე ფოთის, ბათუმის, უახლოეს მომავალში ალბათ ანაკლიის პორტთან, დიდ პოტენციალს აძლევს ამ აეროპორტს. ავტობანის დამთავრება კი უფრო დაახლოვებს აეროპორტსა და პორტებს ერთმანეთთან. ამიტომ, ვფიქრობ, სწორი გადაწყვეტილებაა ამ ტერმინალის ქუთაისში აშენება",- განმარტა რატი ძერიამ.
ქუთაისის აეროპორტში გაფართოვების სამუშაოები ბოლო პერიოდში აქტიურად მიმდინარეობს. ამ ეტაპზე, ახალი ასაფრენ-დასაფრენი ზოლის პროექტირებაზე მუშაოებენ, რაც იმას ნიშნავს, რომ დავით აღმაშენებლის სახელობის აეროპორტი, სამომავლო პერსპექტივაში, დიდი ზომის საჰაერო ხომალდების მიღებას შეზღუდვების გარეშე შეძლებს.
აეროპორტების გაერთიანების ინფორმაციით, ახალი ასაფრენ-დასაფრენი ზოლის მშენებლობა აეროპორტთან ლოგისტიკური ცენტრისა და სატვირთო ტერმინალის განვითარების შესაძლებლობას შეუწყობს ხელს.
მსგავსი სიახლეები
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები
რექტორის გადადგომის მოთხოვნით ღამეებს ათენებენ, დაპირისპირება
მოხდა.
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები