ქუთაისიპოსტი

აკაკი წერეთლის სახელმწიფო უნივერსიტეტის სტუდენტი საბა ხუჯაძე, 2024 წლის აგვისტოდან, სწავლას ამერიკაში, ილინოისის შტატში მდებარე Chicago-Kent College of Law-ში გააგრძელებს.

ის Illinois Tech-ის სამაგისტრო პროგრამაზე, სახელწოდებით Trial Advocacy 75%-იანი დაფინანსებით ჩაირიცხა.

აღნიშნული U.S. News & World Report 2023 წლის რეიტინგით რიგით მე-9 საუკეთესო სამაგისტრო პროგრამაა აშშ-ში და Harvard University-ს მიერ შემოთავაზებულ იმავე სასწავლო პროგრამას უსწრებს.

საბა მიიჩნევს, რომ ამ პროგრამის გავლა დაეხმარება, საკუთარი წვლილი შეიტანოს ქართული სასამართლო სისტემის დახვეწაში.

ამ წარმატებამდე მან Erasmus+ International Credit Mobility Programme - ის ფარგლებში ერთი აკადემიური სემესტრი Aristotle University of Thessaloniki-ს სამართლის სკოლაში (სალონიკი, საბერძნეთი) გაიარა, ხოლო იმავე პროგრამაში კიდევ ერთხელ გამარჯვებულმა, მეორე აკადემიური სემესტრი - Pan-European University-ში (ბრატისვალა, სლოვაკეთი).

ამავდროულად, ლიეტუვის მთავრობის სტიპენდიით ერთი წელი Mykolas Romeris University-ს სამართლის სკოლაში (ვილნიუსი, ლიეტუვა) ისწავლა. ამჟამად კი, ლატვიის მთავრობის სტიპენდიის ფარგლებში, კიდევ ერთ აკადემიურ სემესტრს ლატვიის დედაქალაქ რიგაში მდებარე ერთ-ერთ პრესტიჟულ ლატვიის სახელმწიფო უნივერსიტეტში - University of Latvia გაატარებს.