ახალი ამბები
ქუთაისის მეტალურგიულ ქარხანას მუშაობის უფლება შეუჩერდა
14:35 / 28.07.2022
ქუთაისში, მეტალურგიულ ქარხანას,
რომლის მუშაობასაც მოსახლეობა აპროტესტებდა, წარმოების უფლება
შეუჩერდა.
შესაბამისი გადაწყვეტილება
სასამართლომ მიიღო.
"სასამართლოს დადგენილების
საფუძველზე, გარემოს დაცვისა და სოფლის მეურნეობის სამინისტროს
გარემოსდაცვითი ზედამხედველობის დეპარტამენტმა "ამბიკონ სტილსის"
მეტალურგიული წარმოების უფლების შეჩერების შესახებ გადაწყვეტილება მას
შემდეგ მიიღო, რაც ინსპექტირებით დადგინდა, რომ კომპანია საქმიანობას
ახორციელებდა გარემოსდაცვითი გადაწყვეტილების პირობებისა და
გადაწყვეტილებით დადგენილი ტექნოლოგიური ციკლის დარღვევით, რაც
საფრთხეს უქმნის გარემოს", - ნათქვამია გარემოსდაცვითი
ზედამხედველობის დეპარტამენტის მიერ გავრცელებულ
განცხადებაში.
საწარმო საქმიანობას მანამდე ვერ
გააგრძელებს, ვიდრე სათანადოდ გამართული აირმტვერდამჭერი მოწყობილობა
არ ექნება.
ქუთაისის მეტალურგიული ქარხანა
წლებია დარღვევებით მუშაობს. კომპანია "ამბიკონ სტილსმა", რომელიც
ბოლო სამი წელია ქარხანაში ოპერირებს, ქუთაისიპოსტთან საუბარში მხოლოდ
ის აღიარა, რომ სავენტილაციო სისტემა გაუმართავია, რის გამოც, ჰაერში
მავნე ნივთიერებების გაფრქვევა უკონტროლოდ ხდება.
მოსახლეობის პროტესტის მიუხედავად,
ქარხანა მუშაობას აგრძელებდა, გარემოს ზედამხედველობის დეპარტამენტი
კი მხოლოდ ჯარიმებით შემოიფარგლებოდა. "ამბიკონ სტილსს" მუშაობის
უფლება მხოლოდ მას შემდეგ შეუჩერდა, რაც ერთი კვირის წინ ქარხნის
მიმდებარე ტერიტორიაზე მოსახლეობამ საპროტესტო აქცია გამართა.
ქუთაისის
მეტალურგიულ ქარხანაში სამუშაო პროცესი 2019 წელს განახლდა, როცა
საწარმო მართვაში ინდურმა კომპანია შპს "ამბიკონ სტილსმა" აიღო.
ქარხანაში პრობლემებია სამუშაო პირობებთან დაკავშირებითაც, რაზეც
ხშირად საუბრობდნენ პროფკავშირების წარმომადგენლები. უსაფრთხო სამუშაო გარემოს ითხოვდნენ საწარმოს
თანამშრომლებიც, რომლებმაც 2020 წელს აქციაც მოაწყვეს და პროტესტის
ნიშნად 6 დღე იშიმშილეს.
მსგავსი სიახლეები
14:59 / 23.11.2024
24 ნოემბრიდან, საქართველოს ტერიტორიის უმეტეს ნაწილში, ამინდი
გაუარესდება.
14:26 / 23.11.2024
თურქეთის ტერიტორიაზე მოსალოდნელი ქარიშხლისა და ძლიერი შტორმის გამო,
ავიარეისები გაუქმდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები