ახალი ამბები
ამის შესახებ დიპლომატმა განმარატება „ინტერპრესნიუსთან“ გააკეთა.
კელი დეგნანი ივანიშვილთან შეხვედრას ადასტურებს
11:42 / 28.07.2022
საქართველოში ამერიკის შეერთებული
შტატების ელჩი კელი დეგნანი ყოფილ პრემიერ-მინისტრ ბიძინა
ივანიშვილთან შეხვედრას ადასტურებს.
ამის შესახებ დიპლომატმა განმარატება „ინტერპრესნიუსთან“ გააკეთა.
კელი დეგნანის თქმით,
ბიძინა ივანიშვილთან შეხვედრაზე არ ყოფილა საუბარი „საქართველოს
ჩართვაზე უკრაინის წინააღმდეგ რუსეთის ომში“, ან შანტაჟზე, ან
მოქმედებაზე, რაც უკავშირდება ივანიშვილისთვის ფულის გადარიცხვის
შეფერხებას.
„როგორც წესი, ჩვენ
პრესასთან არ ვსაუბრობთ პირად შეხვედრებზე, მაგრამ როგორც ბატონმა
ბიძინა ივანიშვილმა დაადასტურა, მას ბოლოს 21 მარტს შევხვდი, რის
შემდეგაც საკმაო დრო გავიდა. ჩვენი შეხვედრები ყოველთვის ეხებოდა
აშშ-საქართველოს სტრატეგიული პარტნიორობას და აშშ-ის ძალისხმევას
საქართველოს ეკონომიკის, უსაფრთხოებისა და დემოკრატიის განვითარების
მხარდაჭერად. მოდით ძალიან მკაფიოდ ვიტყვი, რომ აღარავის დარჩეს
შეკითხვები - არასოდეს ყოფილა საუბარი საქართველოს ჩართვაზე უკრაინის
წინააღმდეგ რუსეთის ომში, ან „შანტაჟზე“ ან მოქმედებებზე, რაც
უკავშირდება ბ-ნ ივანიშვილისთვის ფულის გადარიცხვის შეფერხებას. ამ
საკითხებზე მას ან იმ კონკრეტულ ბანკებს უნდა
მიმართოთ.
როდესაც შეერთებული შტატები
ფინანსურ სანქციებს აწესებს, ჩვენ მათ საჯაროდ ვაცხადებთ. სახაზინო
დეპარტამენტის ვებ-საიტზე არის საძიებო სია, სადაც ბანკებს, მედიას და
ფართო საზოგადოებას შეუძლიათ შეამოწმონ, ვინ ექვემდებარება და არ
ექვემდებარება ფინანსურ სანქციებს. შვეიცარიის საბანკო ანგარიშების
ნებისმიერი განხილვა, გულწრფელად, არის ყურადღების გადატანა
მნიშვნელოვანი სამუშაოდან. როგორც ბ-ნმა ივანიშვილმა 27 ივლისის
განცხადებაში აღნიშნა, ეს არის კერძო საქმე მასსა და ფინანსურ
ინსტიტუტს შორის“, - განაცხადა კელი დეგნანმა
„ინტერპრესნიუსისთვის“ მიცემულ ინტერვიუში.
წელიწადნახევრიანი დუმილის შემდეგ პირველი განცხადება ბიძინა ივანიშვილმა,
გუშინ
27 ივლისს გააკეთა, სადაც თქვა რომ ის კელი დეგნანს შეხვდა.
ასევე, ბიძინა ივანიშვილის
განცხადებით, საქართველოს ომში ჩართვის საფრთხე დღესაც არსებობს და
ხელისუფლებამ ყველაფერი უნდა გააკეთოს იმისთვის, რომ პარტნიორ აშშ-სა
და ევროკავშირთან ურთიერთობები არ დაზიანდეს.
მსგავსი სიახლეები
11:06 / 23.11.2024
დღეს, 23 ნოემბერს, დღის სამ
საათზე, თბილისის სახელმწიფო უნივერსიტეტთან სტუდენტების სოლიდარობის
აქცია გაიმართება.
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები