ახალი ამბები
ანგარიშში 163 ქვეყნის მონაცემები შეჯამდა. პირველ ხუთეულში ისლანდია, ახალი ზელანდია, ირლანდია, დანია და ავსტრია მოხვდა. ბოლო ადგილს ავღანეთი იკავებს. ბოლოდან მეოთხე ადგილზეა რუსეთი, უკრაინა 153-ზე.
ყველაზე მშვიდობიანი ქვეყნების სიაში საქართველო 95-ე ადგილზეა
18:02 / 20.07.2022
საქართველო მშვიდობის ინდექსით 95-ე
ადგილზეა. ანგარიში, რომელშიც გაზომილია მშვიდობის ინდექსი
სახელმწიფოების მიხედვით, ეკონომიკისა და მშვიდობის ინსტიტუტმა (IEP)
გამოაქვეყნა.
ანგარიშში 163 ქვეყნის მონაცემები შეჯამდა. პირველ ხუთეულში ისლანდია, ახალი ზელანდია, ირლანდია, დანია და ავსტრია მოხვდა. ბოლო ადგილს ავღანეთი იკავებს. ბოლოდან მეოთხე ადგილზეა რუსეთი, უკრაინა 153-ზე.
GPI მოიცავს მსოფლიოს მოსახლეობის
99.7%-ს, იყენებს 23 ხარისხობრივ და რაოდენობრივ ინდიკატორს და ზომავს
მშვიდობის მდგომარეობას სამი მიმართულებით.
- სოციალური უსაფრთხოების
დონე,
- მიმდინარე შიდა და საერთაშორისო
კონფლიქტების მასშტაბი,
– და მილიტარიზაციის
ხარისხი
2022 წლის გლობალური მშვიდობის
ინდექსის შედეგები აჩვენებს, რომ გლობალური მშვიდობის საშუალო დონე
0,03%-ით გაუარესდა. მიუხედავად იმისა, რომ ეს ცვლილება უმნიშვნელოა,
ეს არის მეთერთმეტე გაუარესება მშვიდობის მხრივ ბოლო თოთხმეტი წლის
განმავლობაში. მშვიდობის ინდექსი 90 ქვეყანაში გაუმჯობესდა, 71-ში -
გაუარესდა და ორში დარჩა სტაბილური, რაც ხაზს უსვამს იმას, რომ
ქვეყნების მდგომარეობა მშვიდობის მიმართულებით უფრო სწრაფად
უარესდება, ვიდრე უმჯობესდება.
• გარე კონფლიქტის შედეგად
დაღუპულთა რიცხვის მკვეთრი გაუარესება დაფიქსირდა, რაც გამოწვეულია
რუსეთის შეჭრით უკრაინაში.
• მიუხედავად ბოლოდროინდელი
ვალდებულებებისა, მილიტარიზაციის ინდექსი გაუმჯობესდა 113 ქვეყანაში
2008 წლიდან.
• ტერორიზმის მიმართულებით
მდგომარეობა უმჯობესდება 70 ქვეყანაში. 2021 წელს თავდასხმები არ
დაფიქსირებულა. ეს საუკეთესო შედეგია 2008 წლის შემდეგ.
• ხარჯების ზრდამ გაზარდა სასურსათო
დაუცველობა და პოლიტიკური არასტაბილურობა გლობალურად, აფრიკაში,
სამხრეთ აზიასა და ახლო აღმოსავლეთში.
• პოლიტიკურმა ტერორის მასშტაბებმა,
პოლიტიკურმა დაუცველობამ, მეზობელ ქვეყნებთან ურთიერთობამ,
ლტოლვილებმა და დევნილებმა მიაღწიეს ყველაზე უარესს ნიშნულს GPI-ის
დაარსების დღიდან.
• ძალადობის გლობალურმა
ეკონომიკურმა ზემოქმედებამ 2021 წელს 16,5 ტრილიონი დოლარი შეადგინა,
რაც გლობალური მშპ-ის 10,9%-ის ექვივალენტურია, ანუ 2117 აშშ დოლარი
ერთ ადამიანზე.
მსგავსი სიახლეები
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
15:01 / 22.11.2024
პირველი დეკემბრიდან პირველ მარტამდე, გზის ცალკეულ მონაკვეთებზე
სატრანსპორტო საშუალების ზამთრის საბურავებით მოძრაობა სავალდებულოა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები