ახალი ამბები
გოჩელაშვილების საცხოვრებელი სახლი
ტყიბულში უკიდურეს გაჭირვებაში მყოფი გოჩელაშვილების ოჯახი დახმარებას ითხოვს
10:00 / 19.07.2022
ტყიბულის სოფელ წყნორში
გოჩელაშვილების სამსულიანი ოჯახი დახმარებას ითხოვს.
დავით გოჩელაშვილი ტყიბულის
მერიას უყურადღებობაში, ხოლო სოციალური მომსახურების სააგენტოს,
მათი ოჯახის მძიმე მდგომარეობის არაობიექტურად შეფასებაში
ადანაშაულებს.
"არავინ გვაქცევს
ყურადღებას. ტყიბულის მერიას ფეისბუქგვერდზე მივწერე ჩვენი გაჭირვება
და ფოტოებიც გავუგზავნე, მაგრამ ყურადღება არ მოგვაქციეს. წლების წინ,
სოციალური შემწეობით ვირჩენდით თავს და ისიც აღარ გვაქვს. განცხადება
დავწერე, მოვიდნენ და 72 000 ქულა მოგვანიჭეს. ბევრი პირუტყვი გყავთ
და მანქანაო, არადა, ეზოში ბაბუაჩემის ჯაბახანა მანქანა
გვიყენია", - ამბობს დავით გოჩელაშვილი.
დავით გოჩელაშვილს ჯანმრთელობის
პრობლემებიც აქვს, რის გამოც, პირველი ჯგუფის პენსიას იღებდა, თუმცა,
ახლა სტატუსი შეცვალეს და ფულადი დახმარების რაოდენობაც
შეუმცირეს.
"პირველი ჯგუფის დახმარებას
ვიღებდი 250 ლარს, მაგრამ 2016 წელს მეორე ჯგუფზე გადამიყვანეს. ამ
ჯგუფზე პენსია უფრო ნაკლებია - 140 ლარი. სესხი ავიღე წამლები რომ
მეყიდა, იმ თანხას ვიხდი და მხოლოდ 100 ლარი მრჩება. წარმოდგენა არ
მაქვს როგორ უნდა გავიტანოთ თავი. მშობლები მყავს, მაგრამ არცერთ
მათგანს საპენსიო ასაკი არ აქვს. დასაქმებას და ჩემთვის კუთვნილ ფულად
შემწეობას ვითხოვ ხალხო".
გოჩელაშვილების საცხოვრებელი სახლი
ტყიბულის მერიაში ამბობენ, რომ
მუნიციპალიტეტმა გოჩელაშვილების ოჯახზე სხვადასხვა სახის დახმარება
გასცა.
"ტყიბულის მუნიციპალიტეტის
სოფელ წყნორში მცხოვრებ მოქალაქეს, დავით გოჩელაშვილს მუნიციპალიტეტის
მერიამ ბოლო ერთი წლის განმავლობაში სხვადასხვა სახის დახმარება
აღმოუჩინა. მან მერიას განცხადებით მომართა გასული წლის დეკემბერში და
დეკემბერშივე გაეწია ერთჯერადი ფინანსური დახმარება. გარდა ამისა,
მოქალაქემ მუნიციპალიტეტისგან მიიღო საახალწლო და სააღდგომო
ნობათები.
2021 წლის დეკემბრის შემდეგ
დავით გოჩელაშვილს ტყიბულის მუნიციპალიტეტის მერიისთვის ოფიციალური
განცხადებით არ მოუმართავს, მხოლოდ მუნიციპალიტეტის მერიის ფეისბუქის
გვერდზე 15 ივლისს, პარასკევს სამუშაო საათების შემდეგ გამოაგზავნა
შეტყობინება დასაქმების ხელშეწყობის სახელმწიფო პროგრამით
სარგებლობასთან დაკავშირებით. კვირა დღესვე, დავით გოჩელაშვილთან
შედგა სატელეფონო კომუნიკაცია, სადაც მან მუნიციპალიტეტის მერიისგან
მიიღო შეთავაზება დახმარების აღმოჩენის შესახებ", -
განმარტავენ ტყიბულის მერიაში.
რაც შეეხება სოციალური მომსახურების
სააგენტოს, საზოგადოებასთან ურთიერთობის სამსახურში გვითხრეს, რომ
კონკრეტული პრეტენზიებით თავად ბენეფიციარმა უნდა მიმართოს
სააგენტოს.
"თუ რამე პრობლემა აქვს,
არის თუ არა რამე შეცდომა შეფასების დროს, რაშიც ეჭვი მეპარება, ჩვენ
უნდა მოგვმართოს. ამაზე მეტის თქმის უფლება პერსონალური მონაცემების
დაცვის გამო არ გვაქვს".
იმერეთში ამ დროისთვის ფულად
შემწეობას 22 933 ოჯახი იღებს, რაც 3 290 ოჯახით მეტია გასული წლის
ამავე პერიოდთან შედარებით.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები