ქუთაისიპოსტი

უკრაინაში შეჭრიდან 100 დღის მონაცემებით, რუსეთის ფედერაციამ თავდაპირველი გეგმიდან ვერცერთ სტრატეგიულ მიზანს ვერ მიაღწია.

ამის შესახებ ნათქვამია ბრიტანული დაზვერვის ყოველდღიურ რეზიუმეში.

დეპარტამენტი აღნიშნავს, რომ რუსებმა ვერ მიაღწიეს თავდაპირველ მიზნებს აეღოთ კიევი და სხვა დიდი ქალაქები უკრაინაში.

თავდაპირველი გეგმის ჩავარდნის შემდეგ, მცდარი დაგეგმარებით და ცუდი ტაქტიკური აღსრულებით, რუსეთის ფედერაციამ შეცვალა თავისი ოპერატიული გეგმა და მთელი ყურადღება გაამახვილა დონბასზე.

"რუსეთი ახლა აღწევს ტაქტიკურ წარმატებას დონბასში, რუსულმა ჯარებმა შექმნეს და შეინარჩუნეს იმპულსი და როგორც ჩანს, აქვთ ინიციატივა უკრაინის წინააღმდეგობაზე. პუტინის ჯარები აკონტროლებენ ლუგანსკის რეგიონის 90%-ზე მეტს და, სავარაუდოდ, სრულ კონტროლს დაამყარებენ მომდევნო ორი კვირის განმავლობაში", - აცხადებენ ბრიტანეთის თავდაცვის სამინისტროში.

რუსეთის ფედერაციის ეს ბოლო ტაქტიკური წარმატებები შესაძლებელი გახდა რესურსების მნიშვნელოვანი დაკარგვისა და საერთო კამპანიის უკრაინის ერთ ნაწილზე ძალების კონცენტრაციის ხარჯზე.

ამავდროულად, რუსეთმა სხვა ფრონტებზე ან მიმართულებებზე წარმატებას ვერ მიაღწიეს  და იძულებული გახდნენ თავდაცვაზე გადასულიყვნენ.

"რუსების თავდაპირველ გეგმასთან შედარებით, მათი არც ერთი სტრატეგიული მიზანი არ არის მიღწეული. იმისათვის, რომ რუსეთის ფედერაციამ რაიმე წარმატებას მიაღწიოს, მას დიდი ფინანსები და მეტი აღჭურვილობა დასჭირდება, ამას კი დიდი დრო უნდა".

მანამდე დასავლელი სამხედრო ექსპერტები აღნიშნავენ, რომ რუსების წარმატებები აღმოსავლეთში დროებითია. ისინი ვარაუდობენ, რომ რამდენიმე კვირაში რუსეთის ფედერაციის წინსვლა შეჩერდება.