ახალი ამბები
შვიდი საჰაერო მისია „აზოვსტალში“ - როგორ ამარაგებდნენ „აზოვის“ მებრძოლებს იარაღით
16:36 / 31.05.2022
რუსი ოკუპანტების მიერ მარიუპოლის ბლოკადის დროს,
"აზოვის" მებრძოლებს საჭირო მარაგს მაინც აწოდებდნენ - ამას
აკეთებდნენ პილოტები ზოგჯერ საკუთარი სიცოცხლის
ფასად.
ამის შესახებ გამოცემა UNIAN წერს.
უკრაინული Mi-8 ვერტმფრენების
ეკიპაჟებმა მტრის საჰაერო თავდაცვის გარღვევა არაერთხელ
მოახერხეს, რათა მიეწოდებინათ საჭირო მარაგი, მედიკამენტები და
შეიარაღება ალყაში მოქცეული და "აზოვსტალის" ფოლადის ქარხანაში
გამაგრებული დამცველებისთვის.
საერთო ჯამში, უკრაინელმა პილოტებმა
100 კილომეტრზე მეტ სიღრმეზე 7 ასეთი მისია განახორციელეს,
რომელშიც 16 ვერტმფრენი მონაწილეობდა.
გამოქვეყნდა უნიკალური კადრები უკრაინული
ვერტმფრენების „აზოვსტალში“ დაფრენის შესახებ. სპეცოპერაცია უკრაინის
თავდაცვის სამინისტროს მთავარი სადაზვერვო სამმართველოსა და "აზოვის"
პოლკის სპეციალისტებმა განახორციელეს.
მანამდე, GUR-ის ხელმძღვანელმა,
კირილ ბუდანოვმა განაცხადა, რომ თითქმის სამი თვის განმავლობაში
უკრაინული ძალები აღწევდნენ ფოლადის უზარმაზარ ქარხანაში, მიუხედავად
იმისა, რომ მუდმივი დაბომბვის ქვეშ იყვნენ რუსული ჯარების მიერ.
მაგრამ როცა "აზოვის" მეომრების საკვები, წყალი, სამედიცინო
მარაგი და საბრძოლო მასალა ამოიწურებოდა და მძიმედ დაჭრილთა რიცხვი
მატულობდა, დახმარების სურვილი იზრდებოდა.
"ყველა მიწოდება წარმატებით
დასრულდა", - თქვა ბუდანოვმა.
მაგრამ მე-5 და მე-7 გაფრენისას ორი
ვერტმფრენი ჩამოაგდეს. ბუდანოვის თქმით, განადგურდა მესამე
ვერტმფრენიც, რომელიც საშველად მივიდა.
UNIAN-ის ცნობით, 20 მაისს,
ზელენსკიმ პირველად ისაუბრა მარიუპოლის დამცველებისთვის გაწეულ
დახმარებაზე.
პილოტებმა მებრძოლებს
მედიკამენტები, საკვები, წყალი მიაწოდეს, ცხედრები და დაჭრილები
წაიყვანეს. მისი თქმით, ამ ოპერაციის განხორციელებისას ბევრი
უკრაინელი პილოტი დაიღუპა.
„აზოვის“ დამფუძნებლის, ანდრეი
ბილეცკის თქმით, საჰაერო გარღვევის სპეცოპერაცია დაიგეგმა და
განხორციელდა უკრაინის თავდაცვის სამინისტროს მთავარი სადაზვერვო
სამმართველოს ეგიდით. თავად ბილეცკი იყო ჩართული სადესანტო ნაწილის
ორგანიზებაში. სპეცოპერაციის წყალობით, აზოვის 72 მებრძოლი
ვერტმფრენებით გადაიყვანეს ქალაქის თავდაცვის
გასაძლიერებლად.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები