ახალი ამბები
შესაბამისად, ევროკავშირს საქართველოსთვის სტატუსის მინიჭებაზე უარის თქმის საფუძველი არ აქვს. მმართველი პარტიის თავმჯდომარემ ისაუბრა "ქართული ოცნების" მიღწევებზე ევროკავშირთან დაახლოების გზაზე და თქვა, რომ ჩვენი ქვეყნის ხელისუფლება გამორჩეულია გაწევრიანებასთან დაკავშირებული ვალდებულებების შესრულების თვალსაზრისით.
მისი თქმით, ევროკავშირის მხრიდან საქართველოსთვის, უკრაინისა და მოლდოვისთვის სტატუსის მინიჭება მნიშვნელოვანი პოლიტიკური გზავნილი იქნება ორი მიმართულებით: პირველი - ამით ევროკავშირი გამოხატავს სოლიდარობას სამი ქვეყნის მიმართ, რომელთა ტერიტორიები რუსული ოკუპაციის ქვეშაა და მეორე - სტატუსის მინიჭებით ევროკავშირი აცხადებს, რომ არ ეშინია რუსული რეაქციის და პრინციპულ პოზიციას ირჩევს ამ სამი ქვეყნის მხარდაჭერის საკითხში.
"ევროკავშირს საქართველოსთვის კანდიდატობაზე უარის თქმის მიზეზი არ აქვს" - კობახიძე
11:41 / 30.05.2022
"ქართული ოცნების" თავმჯდომარე,
ირაკლი კობახიძე მიიჩნევს, რომ საქართველო, უკრაინასა და მოლდოვასთან
შედარებით, რომლებიც ასევე ითხოვენ ევროკავშირის წევრობისთვის
კანდიდატის სტატუსის მინიჭებას, უპირატეს
მდგომარეობაშია.
შესაბამისად, ევროკავშირს საქართველოსთვის სტატუსის მინიჭებაზე უარის თქმის საფუძველი არ აქვს. მმართველი პარტიის თავმჯდომარემ ისაუბრა "ქართული ოცნების" მიღწევებზე ევროკავშირთან დაახლოების გზაზე და თქვა, რომ ჩვენი ქვეყნის ხელისუფლება გამორჩეულია გაწევრიანებასთან დაკავშირებული ვალდებულებების შესრულების თვალსაზრისით.
"ევროკავშირს,
საქართველოსთვის კანდიდატობაზე უარის თქმის არავითარი მიზეზი არ აქვს,
მითუმეტეს იმ შემთხვევაში, თუ ამ სტატუსს უკრაინასა და მოლდოვას
მიანიჭებს. საქართველო ყველა შესაბამისი პარამეტრით წინ უსწრებს ორივე
აპლიკანტ ქვეყანას, რასაც ვერავინ უარყოფს. მათ შორის, საქართველოს
უკვე შესრულებული აქვს ვალდებულებების 45%, რაც უპრეცედენტო შედეგია.
ამ მონაცემებით, საქართველო არა მხოლოდ უკრაინასა და მოლდოვას,
არამედ, უკვე კანდიდატის სტატუსის მქონე ზოგიერთ ქვეყანასაც უსწრებს.
კანდიდატის სტატუსი ევროკავშირს საქართველოსთვის არავითარი დამატებითი
დაფინანსების გამოყოფის ვალდებულებას არ აკისრებს, ასევე ევროკავშირი
არ იღებს ვალდებულებს კანდიდატის სტატუსის მქონე ქვეყანა რაიმე
კონკრეტულ ვადაში გააწევრიანოს. ამ პირობებში, გაუგებარია რატომ უნდა
უთხრას მან საქართველოს სახელმწიფოს და ქართველ ხალხს უარი ამ
სტატუსზე, როდესაც ჩვენი ქვეყანა და ხელისუფლება გამორჩეულია
გაწევრიანებასთან დაკავშირებული ვალდებულებების შესრულების
თვალსაზრისით", - თქვა კობახიძემ.
მან ასევე ისაუბრა უკრაინისა და
მოლდოვის ყოფილი პრეზიდენტების მიმართ მათივე ქვეყნებში აღძრულ
სისხლის სამართლის საქმეებზე და შეეცადა საზოგადოება დაერწმუნებინა
იმაში, რომ ამ თვალსაზრისით, ევროკავშირის კანდიდატის სტატუსის
მინიჭების მოლოდინში მყოფი სამივე ქვეყანა თანაბარ პირობებში არიან და
რომ ნიკა გვარამიასა და მიხეილ სააკაშვილის დაპატიმრება,
საქართველოსთვის ევროკავშირის წევრი კანდიდატის სტატუსის მინიჭების
საკითხში, ხელისშემშლელი ფაქტორი ვერ იქნება.
"საუბარი იმაზე, რომ ევროკავშირმა კანდიდატობაზე უარი ერთი, სახელმწიფოზე გადამტერებული და ეკლესიის მაგინებელი კრიმინალის გამო შეიძლება უთხრას, რომელიც ცხრაწლიანი დანაშაულებრივი რეჟიმის ერთ-ერთი მთავარი შემოქმედი და იდეოლოგი იყო, რომელიც ქართული პოლიტიკის პოლარიზაციაში საკვანძო როლს ასრულებს და რომელმაც ტელეკომპანია "რუსთავი2" შვიდი მილიონით გაძარცვა, უბრალოდ, ღიმილის მომგვრელია", - თქვა კობახიძემ.
"საუბარი იმაზე, რომ ევროკავშირმა კანდიდატობაზე უარი ერთი, სახელმწიფოზე გადამტერებული და ეკლესიის მაგინებელი კრიმინალის გამო შეიძლება უთხრას, რომელიც ცხრაწლიანი დანაშაულებრივი რეჟიმის ერთ-ერთი მთავარი შემოქმედი და იდეოლოგი იყო, რომელიც ქართული პოლიტიკის პოლარიზაციაში საკვანძო როლს ასრულებს და რომელმაც ტელეკომპანია "რუსთავი2" შვიდი მილიონით გაძარცვა, უბრალოდ, ღიმილის მომგვრელია", - თქვა კობახიძემ.
მისი თქმით, ევროკავშირის მხრიდან საქართველოსთვის, უკრაინისა და მოლდოვისთვის სტატუსის მინიჭება მნიშვნელოვანი პოლიტიკური გზავნილი იქნება ორი მიმართულებით: პირველი - ამით ევროკავშირი გამოხატავს სოლიდარობას სამი ქვეყნის მიმართ, რომელთა ტერიტორიები რუსული ოკუპაციის ქვეშაა და მეორე - სტატუსის მინიჭებით ევროკავშირი აცხადებს, რომ არ ეშინია რუსული რეაქციის და პრინციპულ პოზიციას ირჩევს ამ სამი ქვეყნის მხარდაჭერის საკითხში.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები