ქუთაისში 26 მაისის აღნიშვნა დაიწყო

10:37 / 26.05.2022

საქართველოს დამოუკიდებლობის დღისადმი მიძღვნილ ღონისძიებებთან დაკავშირებით, ქალაქის ცენტრში დილიდან სამზადისია.

გადაკეტილია ქალაქის ცენტრალური მოედანი. მიმდინარეობს სცენისა და სხვადასხვა დეკორაციის მონტაჟი. ღონისძიებების გამო, შეცვლილია საქალაქო ტრანსპორტის მოძრაობის მარშრუტები.

26 მაისს ქუთაისში რამდენიმე საზეიმო და შემეცნებითი ღონისძიება გაიმართება. ქალაქის ცენტრალურ ნაწილში დაგეგმილია მუსიკალური და თეატრალური წარმოდგენები; ისტორიული გამოფენები; ქართული-ხალხური ტრადიციების კუთხეები; სპორტული აქტივობები; კონკურსები, საბავშვო სპექტაკლები და შოუები; საზეიმოდ მოხდება 17 საათისა და 10 წუთის აღნიშვნა, როცა 104 წლის წინ საქართველოს ეროვნულმა საბჭომ ერთხმად დაამტკიცა "საქართველოს დამოუკიდებლობის აქტი.

საღამოს დასკვნითი კონცერტი გაიმართება, სადაც მონაწილეობას მიიღებენ: ნუცა თოფურია, გუგა მარგველაშვილი, ანა ქურთუბაძე, ლუკა ჭოხონელიძე, ომა ფავორი, გიორგი ცხადაძე, მემე ჟორდანია, გიორგი ფუტკარაძე, თამთა ხუხუნაიშვილი, მარიტა როხვაძე, სალომე ბაკურაძე და ჯგუფი ნიუტონი.

ნახეთ, ღონისძიებების ჩამონათვალი:

12:00- 19:00 საბავშვო ატრაქციონები- ცენტრალური ბულვარი;

12:00- 19:00 ადგილობრივი მეწარმეების პროდუქციის გამოფენა-გაყიდვა - ცენტრალური მოედანი;

12:00- 19:00 ხელნაკეთი ნივთების გამოფენა-გაყიდვა - ცენტრალური მოედანი;

12:00- 18:00 სამხედრო ტექნიკის დათვალიერება - ცენტრალური მოედანი;

12:00- 19:00 ყვავილების გამოფენა-გაყიდვა - ცენტრალური ბულვარი;

12:00- 19:00 პირველადი სამედიცინო დახმარების აღმოჩენის მოდელირება-სწავლება -ცენტრალური მოედანი;

12:00- 18:00 ტურნირი მოყვარულთა შორის ჭადრაკში, ნარდში, შაშში - ცენტრალური ბულვარი, 9 აპრილის ძეგლთან;

12:00- 19:00 საქართველოს დამოუკიდებლობის დღისადმი მიძღვნილი ფოტოგამოფენა - ცენტრალური ბულვარი;

12:00- 19:00 აღმოსავლური ორთაბრძოლების საჩვენებელი გამოსვლები - ცენტრალური ბულვარი;

12:00- 19:00 სამხატვრო სკოლის მოსწავლეთა პლენერი - ცენტრალური ბულვარი, დები იშხნელების ძეგლთან;

12:15 - საქართველოს ეროვნული გმირის, მერაბ კოსტავას ძეგლის პატივგება;

12:00 და 14 :00 სპექტაკლი "მუსიკის ჰანგები"- თოჯინების თეატრი;

13 :00 და 15:00 სპექტაკლი "პეპი გრძელი წინდა" - ნიღბების თეატრი, ხარაზოვის ბაღი;

12:00- 15:00 ქუთაისში არსებული სამუსიკო სტუდიების და ხანდაზმულთა ანსამბლ "ბერმუხა"-ს კონცერტი - ცენტრალური მოედანი ;

15:00- 15:45 მ.ბალანჩივაძის სახელობის ცენტრალურ სამუსიკო სასწავლებელთან არსებული სიმებიანი კვარტეტის კონცერტი - ცენტრალური მოედანი;

15:45 - 16:15 მ.ბალანჩივაძის სახელობის ცენტრალურ სამუსიკო სასწავლებელთან არსებული ახალგაზრდული ორკესტრისა და ა(ა)იპ კულტურულ სახელოვნებო საგანმანათლებლო დაწესებულებასთან არსებული სასულე ორკესტრის ერთობლივი კონცერტი - ცენტრალური მოედანი;

16 :15- 16: 45 სიმფონიური ორკესტრის კონცერტი - ცენტრალური მოედანი;

17:10 საქართველოს ჰიმნი - ცენტრალური მოედანი;

19:00 ფილმის ჩვენება - ბოტანიკური ბაღი;

20:00 – 22:30 გალა-კონცერტი - ცენტრალური მოედანი.

საქართველოს პირველმა რესპუბლიკამ ნოე ჟორდანიას ხელმძღვანელობით, საქართველოს დამოუკიდებლობა 1918 წლის 26 მაისს გამოაცხადა.