ახალი ამბები
ქუთაისის ოპერის თეატრს ახალი დირექტორი ჰყავს
16:21 / 10.05.2022
ქუთაისის ოპერის თეატრის დირექტორის
პოზიციაზე ზურაბ ოიკაშვილი დაინიშნა.
ზურაბ ოიკაშვილი, ამავე თეატრის
სამხატვრო ხელმძღვანელის ირინე ლომინაძის წარდგინებით, კულტურის
მინისტრმა თეა წულუკიანმა დანიშნა.
ოპერის თეატრის დირექტორის ადგილი
ვაკანტური სამი თვის განმავლობაში იყო.
მანამდე ამ პოზიციას რეჟისორი
თორნიკე მარჯანიშვილი იკავებდა, რომელსაც თეატრის დატოვება 2020 წლის
საპარლამენტო არჩევნებში მონაწილეობის გამო მოუწია, თუმცა, მას ეს
პოზიცია საკუთარი სურვილით არ დაუტოვებია. პოლიტიკური აქტივობის გამო,
მარჯანიშვილი კულტურის მინისტრმა თეა წულუკიანმა თანამშრომლების
თანდასწრებით მწვავედ გააკრიტიკა და უთხრა, რომ მან სხვა
პარტიის სახელით პოზიციონირების გამო "ქართულ ოცნებას" უღალატა.
თორნიკე მარჯანიშვილმა ამის შემდეგ თეატრი დატოვა, თუმცა, მისთვის ადგილი ქუთაისის მერიაში
გამოიძებნა.
რაც შეეხება ზურაბ ოიკაშვილს, იგი
პროფესიით მუსიკისმცოდნე და ხელოვნებათმცოდნეობის
დოქტორია.
2001-2003 წლებში იგი საქართველოს
კულტურის სამინისტროში ხელმძღვანელობდა ხელოვნებისა და მუზეუმების
დეპარტამენტს, 2003-2004 წლებში კი მუშაობდა საქართველოს კულტურის
მინისტრის მოადგილის თანამდებობაზე.
2004-2014 წლებში თბილისის ზ.
ფალიაშვილის სახელობის ოპერისა და ბალეტის სახელმწიფო თეატრის
განვითარებისა და საზოგადოებასთან ურთიერთობის დეპარტამენტის
დირექტორი იყო, ხოლო 2014 წლის მარტი-მაისის პერიოდში სამხატვრო
ხელმძღვანელის მოვალეობას ასრულებდა.
2015 წლიდან ოიკაშვილი ქუთაისის
მელიტონ ბალანჩივაძის სახელობის ოპერისა და ბალეტის სახელმწიფო
თეატრის სამხატვრო ხელმძღვანელის მრჩეველი იყო.
ზურაბ ოიკაშვილი 600-ზე მეტი
საგაზეთო პუბლიკაციის და არაერთი გამოქვეყნებული სამეცნიერო ნაშრომის
ავტორია.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები