ქუთაისიპოსტი

ტურიზმის ეროვნული ადმინისტრაცია აპრილის თვის სტატისტიკურ მონაცემებს აქვეყნებს.
მიმდინარე წლის აპრილში საქართველოში 244,293 საერთაშორისო მოგზაურის ვიზიტი განხორციელდა, ზრდა 2021 წლის აპრილის თვესთან შედარებით +184.9%-ს შეადგენს, საერთაშორისო მოგზაურების აღდგენის კოეფიციენტი 2019 წლის მონაცემებთან შედარებით კი 37.7% პროცენტია.

აპრილში ყველაზე მეტი ვიზიტორი საქართველოში სახმელეთო გზით შემოვიდა:

სახმელეთო - 127,068 ვიზიტორი, ზრდა 162,2%

საჰაერო - 85,469 ვიზიტორი, ზრდა 157,5%

სარკინიგზო - 1,041 ვიზიტორი, ზრდა 339,2%

საზღვაო - 1,066 ვიზიტორი, ზრდა 66,8%.

2022 წლის 4 თვეში ჯამში საქართველოში 820 796 ტურისტი ჩამოვიდა, ზრდა 2021 წლის იანვარი-აპრილის პერიოდთან შედარებით +272.3%-ია, ხოლო 2019 წლის ანალოგიურ პერიოდთან შედარებით 36.2 პროცენტი აღდგენილია.

წელს 4 თვეში საქართველოში 642,343 საერთაშორისო ტურისტული ვიზიტი განხორციელდა, ეს მონაცემი +233.9 პროცენტით მეტია 2021 წლის ანალოგიურ პერიოდთან შედარებით, ხოლო 2019 წლის იანვარი-აპრილის პერიოდის საერთაშორისო ტურისტული ვიზიტების 52.2 % აღდგენილია.

პანდემიის გამო 2020 წლის მარტიდან საერთაშორისო  ფრენები თითქმის ერთი წელი  აკრძალული იყო.