ახალი ამბები
წარწერა дети ქუთაისის მესხიშვილის თეატრის წინ თეატრის მონაწილეობის გარეშე
16:28 / 30.03.2022
ქუთაისში მესხიშვილის თეატრის წინ
წარწერა дети გაჩნდა.
ეს ინიციატივა არ ეკუთვნის მესხიშვილის თეატრს,
არამედ ქუთაისელ აქტივისტთა ჯგუფს, რომელმაც უკრაინაში ომის დაწყების
შემდეგ კამპანია We Stand for U წამოიწყო. კამპანიის ორგანიზატორებმა
დღეს თეატრის წინ 145 ბავშვის ფეხსაცმელი მიიტანეს და წარწერა дети
გააკეთეს.
ამით მათ დაგმეს ის სისასტიკე,
რასაც რუსი ოკუპანტები უკრაინაში ჩადიან.
"დღეს 145 ბავშვის
ფეხსაცმელი მივიტანეთ ქუთაისის თეატრის წინ წარწერით "дети" და ამით
დავგმეთ უკრაინაში პუტინის ბრძოლის შედეგი - 145 მოკლული ბავშვი. ის
რაც ხდება უკრაინაში, ეხება ქუთაისს, ეხება საქართველოს!" -
ამბობენ აქციის ორგანიზატორები.
მანამდე, კამპანია We Stand for U-ს
წარმომადგენლებმა ქუთაისში უკრაინის მხარდამჭერი აქციების კვირეული
მოაწყვეს და ქუთაისელების შემოწირულობებით ჰუმანიტარული ტვირთიც
გააგზავნეს უკრაინაში.
წარწერა дети მარიუპოლის თეატრში
მომხდარ ტრაგედიას უკავშირდება. 16 მარტს რუსმა ოკუპანტებმა თეატრი
დაბომბეს, იმის მიუხედავად, რომ შენობის ირგვლივ იყო რამდენიმე
წარწერა дети. შემთხვევას 300-მდე ადამიანი ემსხვერპლა. ამის შემდეგ,
ეს სიტყვა რუსული სისასტიკის სიმბოლოდ იქცა. უკრაინის სოლიდარობის
ნიშნად, ასეთი წარწერები გაკეთდა ვარშავის, პრაღისა და ევროპის სხვა
ქალაქების თეატრების წინ.
ფოტო:We stand for
U
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები