ახალი ამბები
გერმანია, ლატვია და სლოვენია რუსულ გაზსა და ნავთობს რუბლით არ შეისყიდის
11:05 / 25.03.2022
გერმანია, ლატვია და სლოვენია უარს
ამბობენ პუტინის მოთხოვნაზე, რუბლში შეიძინონ რუსული გაზი და
ნავთობი.
გერმანიის კანცლერის ოლაფ შოლცის განცხადებით, რუსული
ენერგორესურსების საფასურის გადახდა ხელშეკრულებით არის განსაზღვრული,
სადაც წერია, რომ ანაზღაურება ევროსა და დოლარის ვალუტით უნდა
მოხდეს.
"არის მძიმე კონტრაქტები,
რომლებშიც ვალუტები, რომლითაც ხდება გადახდა, არის ხელშეკრულების
ნაწილი. ეს არის ის, რაც ახლა მოქმედებს. ძირითადად, არის ევრო ან
დოლარი. ჩვენ უნდა ვიმოქმედოთ აქედან გამომდინარე", -
განაცხადა შოლცმა ბრიუსელში G7-ის ლიდერების შეხვედრის შემდეგ
გამართულ პრესკონფერენციაზე.
კანცლერმა დასძინა, რომ რუსეთის
წინააღმდეგ ევროკავშირის სანქციები საგულდაგულოდ იყო მომზადებული და
ქვეყნებმა გულდასმით განიხილეს, თუ რომელ სანქციებს ექნება ყველაზე
დიდ ეფექტი.
"ჩვენ ვხედავთ, რომ ეს
ზომები ძალიან ეფექტურია და მუდმივად ვავითარებთ მათ", -
განმარტა შოლცმა.
უკრაინული მედიის ცნობით, რუსულ
ენერგორესურსებში რუბლის გადახდაზე უარი თქვა ავსტრიულმა კომპანია
OMV-მა, ასევე, ლატვიამ განაცხადა, რომ არ შეისყიდის გაზს რუსეთიდან
რუბლში, ვინაიდან ხელშეკრულება "არ ითვალისწინებს სხვა
ვალუტაში გადახდის შესაძლებლობას, გარდა ევროსა". კიდევ უფრო
პირდაპირი იყო სლოვენიის პრემიერ-მინისტრი იანეზ იანშა, რომელმაც
თქვა: "ევროპაში არავინ გადაიხდის გაზის საფასურს
რუბლებში".
ორი დღის წინ, რუსეთის პრეზიდენტმა
ვლადიმირ პუტინმა "არამეგობრულ ქვეყნებს" მოსთხოვა, რომ ნავთობი და გაზი რუბლში შეისყიდონ.
გუშინ კი უკრაინის საგარეო საქმეთა მინისტრმა დმიტრო კულებამ
ევროკავშირის ქვეყნებს მოუწოდა, არ გადაუხადონ რუსეთს
რუბლი.
უკრაინაში შეჭრის გამო, ამერიკამ და
ევროპის ქვეყნებმა რუსეთს მძიმე ეკონომიკური სანქციები
დაუწესეს.
რუსეთმა უკრაინის წინააღმდეგ
სრულმასშტაბიანი ომი 24 თებერვალს დაიწყო. ოკუპანტი ჯარი განუწყვეტლივ
ბომბავს როგორც სამხედრო ობიექტებს, ისე მშვიდობიან
მოსახლეობას.
მსგავსი სიახლეები
11:16 / 22.11.2024
პარლამენტის თავმჯდომარემ შალვა პაპუაშვილმა,
არჩევნების შედეგების მიმართ მიმდინარე პროტესტის მიუხედავად, ახალი
პარლამენტის შეკრების თარიღი და სხდომის ჩატარების დრო
დაასახელა.
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები
რექტორის გადადგომის მოთხოვნით ღამეებს ათენებენ, დაპირისპირება
მოხდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები