ახალი ამბები
"ოკუპანტებმა ჰუმანიტარულ ავტობუსებს ცეცხლი გაუხსნეს" - უკრაინის ვიცე-პრემიერი
13:44 / 16.03.2022
უკრაინის ვიცე-პრემიერმა ირინა
ვერეშჩუკმა განაცხადა, რომ რუსეთმა კვლავ დაარღვია ჰუმანიტარული
დერეფნების შეთანხმების საკითხი.
ამის შესახებ მან სპეციალურ
ბრიფინგზე ისაუბრა. მისი თქმით, რუსი ოკუპანტები ცეცხლს უხსნიან
მშვიდობიან მოქალაქეებს.
"ოკუპანტებმა ცეცხლი
გაუხსნეს ავტობუსებს, რომლებსაც მშვიდობიანი მოქალაქეები გადაჰყავდათ.
იბომბება ის დასახლებული პუნქტები და თავშეყრის ადგილები, საიდანაც
მოქალაქეებს ევაკუაცია ხდება. გუშინ ოკუპანტებმა მარიუპოლში
საავადმყოფო აიღეს და 400 მშვიდობიანი მოქალაქე ტყვედ აიყვანეს. მათ
შორის, ექიმები და პაციენტები. ამ ეტაპზე საავადმყოფოს შენობიდან
ინტენსიურ სროლებს ახორციელებენ",- განაცხადა ირინა
ვერეშჩუკმა.
უკრაინაში 21 დღეა ომია. რუსეთი
სუვერენულ უკრაინას თავს 24 თებერვალს დაესხა. ვლადიმერ პუტინის მიერ
ომის გამოცხადებას წინ უძღოდა რუსეთის მიერ უკრაინის ოლქების:
ლუგანსკისა და დონეცკის ე.წ. დამოუკიდებელ სახელმწიფოებად
აღიარება.
21 დღიანი ბრძოლის შედეგად,
უკრაინული მხარის ცნობით, დაღუპულია 14 000-ზე მეტი რუსი ჯარისკაცი და
განადგურებულია ხუთ მილიარდზე მეტი ღირებულების რუსეთის სამხედრო
ტექნიკა. მძიმე დანაკარგების მიუხედავად, რუსული ავიაცია აგრძელებს
საჰაერო თავდასხმებს უკრაინის ქალაქებზე, რასაც მშვიდობიანი
მოქალაქეები ეწირებიან. ნატო კი ისევ უარს ამბობს უკრაინის ცის
დაცვაზე, რადგან ალიანსი რუსეთთან სამხედრო კონფლიქტში ჩართვას
ერიდება.
მსგავსი სიახლეები
15:28 / 04.04.2025
ჭიათურაში მიმდინარე უწყვეტი პროტესტის 35-ე დღეს, ორმა
მაღაროელმა, მერაბ სარალიძემ და სიმონ მიქაძემ შიმშილობა დაიწყო.
13:00 / 04.04.2025
ჭიათურაში, საკრებულოს სხდომაზე, რომელსაც გაფიცული მაღაროელებიც ესწრებოდნენ, მედიის წარმომადგენლები არ შეუშვეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები