ახალი ამბები
საქართველოს პრეზიდენტი ამბობს, რომ მთავრობა, ევროპაში ვიზიტების განხორციელებაში ხელს უშლიდა
13:38 / 14.03.2022
"პრეზიდენტის ინსტიტუტს მხოლოდ
პატივისცემა არ ჰყოფნის, მასთან თანამშრომლობა აუცილებელია", -
განაცხადა საქართველოს პრეზიდენტმა პარლამენტის წინაშე სიტყვით
გამოსვლის დროს.
პრეზიდენტმა ბევრ სხვა მწვავე
საკითხთან ერთად, იმ შეზღუდვებზეც ისაუბრა, რომლებიც მის ინიციატივებს
მთავრობიდან შეექმნა. პრეზიდენტის თქმით, მას წინააღმდეგობა შეხვდა იმ
სამუშაო ვიზიტებთან დაკავშირებით, რომლებიც ევროპის ქვეყნებში ჰქონდა
დაგეგმილი.
"გაუგებარია, როცა
საჭიროება ყველაზე დიდია და დრო არ ითმენს, პრეზიდენტის საერთაშორისო
საქმიანობის მიმართ დაწესებული შეზღუდვები. 2022 წლის 26 თებერვალს
წერილობით მეთქვა უარი პარიზში, ბრიუსელში, ბერლინსა და ვარშავაში
სამუშაო ვიზიტების გამართვაზე. არსებული ვითარების გათვალისწინებით,
გავაუქმე ყველა ოფიციალური ფორმატი. ასეთ დროს საჭიროდ მივიჩნიე
პირადი კონტაქტების გამოყენება და სამუშაო ვიზიტების პირად
შეხვედრებად გადაქცევა. მიმაჩნია, ასეთი შეზღუდვები ჩვენი
ქვეყნისთვის, რომელიც ესოდენ რთულ რეგიონში იმყოფება, დამაზიანებელია.
შეზღუდვების დრო კი არა, ვისაც რაც შეგვიძლია საერთაშორისო დონეზე,
მაქსიმალურად უნდა ვიყოთ ჩართული. მოსვენებას არ უნდა ვაძლევდეთ
საერთაშორისო პარტნიორებს", - განაცხადა
პრეზიდენტმა.
სალომე ზურაბიშვილი პარლამენტში
წლიური მოხსენებით წარსდგა. იგი საკანონმდებლო ორგანოში უკრაინის
ელჩის მოვალეობის შემსრულებელთან ანდრეი კასიანოვთან ერთად მივიდა.
საპარლამენტო ტრიბუნიდან პრეზიდენტი საქართველოდან უკრაინის ელჩის
გაწვევის საკითხს შეეხო და თქვა, რომ ის არ დაუშვებს უკრაინელ და
ქართველ ხალხს შორის უთანხმოებას, რის შემდეგაც, მან უკრაინის
პრეზიდენტს ვოლოდიმირ ზელენსკის სთხოვა დააბრუნოს ელჩი
საქართველოში.
მან, ასევე ისაუბრა შიდა
დაპირისპირებაზე ხელისუფლებასა და ოპოზიციას შორის და თქვა, რომ
საქართველოსთვის ასეთ მნიშვნელოვან მომენტში, სადაც ახალ
გამოწვევებთან ერთად, ახალი შესაძლებლობებიც არის, ქართველი ხალხი
უფრო ფხიზელი და ერთიანია, ვიდრე მმართველი გუნდი და
ოპოზიცია.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები