ახალი ამბები
მესხიშვილის თეატრმა უკრაინაში ჰუმანიტარული ტვირთი გააგზავნა
16:49 / 12.03.2022
მესხიშვილის თეატრის ინიციატივით,
უკრაინელი ხალხის დასახმარებლად ჰუმანიტარული ტვირთი
შეგროვდა.
აქციაში მსახიობები და მესხიშვილის
თეატრის მაყურებლებიც ჩაერთნენ.
"როგორც მთელი ქვეყანაა
მზადა დაეხმაროს მოძმე უკრაინას, მესხიშვილის თეატრიც ჩართულია ამ
პროცესში. გვინდა ჩვენი პატარა წვლილი შევიტანოთ მხარდაჭერაში. ამ
აქციაში ჩართულები არიან როგორც მსახიობები, ისე მაყურებლებიც",
- აღნიშნა მესხიშვილის თეატრის დირექტორმა სულხან
გოგოლაშვილმა. მისივე თქმით, ყოველდღიური კონტაქტი აქვთ უკრაინის
ქალაქ ვინიცის დამეგობრებული თეატრის წარმომდგენლებთან.
თუმცა, აღსანიშნავია, რომ
ჰუმანიტარული დახმარებისა და აქტიური კომუნიკაციის პარალელურად,
მესხიშვილის თეატრი ერთ-ერთი ბოლო იყო, რომელიც "თეატრის კრიტიკოსთა
საერთაშორისო"ასოციაციის მიერ უკრაინის მიმართ გაკეთებულ სოლიდარობის
განცხადებას შეუერთდა. ტექსტს ხელს 70-მდე თეატრი და სახელოვნებო
ორგანიზაცია აწერდა. თავის მხრივ, ასოციაციამაც ეს მხარდამჭერი
განცხადება უკრაინაში ომის დაწყებიდან მე-15 დღეს
გააკეთა.
"უკრაინას სოლიდარობა ჩვენ
გამოვუცხადეთ ცალკე, როგორც დამოუკიდებელმა თეატრმა. ასოციაციამ როცა
გადაწყვიტა, მაშინ გადაწყვიტა მხარდაჭერის გამოხატვა. ცალკეული
მსახიობები და პიროვნებები ომის დაწყების დღიდან გამოვხატავდით
სოლიდარობას. გუშინაც, სპექტაკლის დაწყების წინ გამოვედით და ვთქვით,
რომ სოლიდარობას ვუცხადებთ უკრაინელ ხალხს და სპექტაკლიც მათ
ეძღვნება", - აღნიშნა თეატრის დირექტორმა.
თეატრში შეგროვებული ტვირთის
პირველი ნაწილი ქუთაისის ტურიზმის ცენტრში გადაიტანეს, სადაც
უკრაინელი ხალხისთვის გასაგზავნი ჰუმანიტარული დახმარება
გროვდება.
მსგავსი სიახლეები
11:16 / 22.11.2024
პარლამენტის თავმჯდომარემ შალვა პაპუაშვილმა,
არჩევნების შედეგების მიმართ მიმდინარე პროტესტის მიუხედავად, ახალი
პარლამენტის შეკრების თარიღი და სხდომის ჩატარების დრო
დაასახელა.
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები
რექტორის გადადგომის მოთხოვნით ღამეებს ათენებენ, დაპირისპირება
მოხდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები