ახალი ამბები
ქუთაისის რომელი თეატრი არ შეუერთდა უკრაინის მხარდამჭერ განცხადებას
15:18 / 11.03.2022
ქართული თეატრი უკრაინისადმი
მხარდამჭერ განცხადებას ავრცელებს.
მიმართვას 70-ზე მეტი პროფესიული თუ
სახალხო თეატრი, ასევე, თეატრალური ფესტივალი და სახელოვნებო
ორგანიზაცია უერთდება. ხელმომწერთა შორის არიან ქუთაისის თოჯინების,
ნიღბებისა და ახალგაზრდული თეატრები. ასევე ფესტივალი „თეატრალური
იმერეთი“.
ხელმომწერთა შორის არ არის ქუთაისის ოპერის თეატრი.
მხარდამჭერ განცხადებას ერთ-ერთი ბოლო შეუერთდა ქუთაისის მესხიშვილის
თეატრი.
ხელმომწერთა შორის არ არის ქუთაისის ოპერის თეატრი.
აღსანიშნავია, რომ თეატრები
მხარდამჭერ განცხადებას ომის დაწყებიდან მე-15 დღეს
ავრცელებენ.
განცხადებაში ქართველი თეატრალები
და ხელოვანები გმობენ რუსეთის აგრესიას და მხარდაჭერას გამოხატავენ
მებრძოლი უკრაინელი ხალხის მიმართ, რომელთა რიგებში არაერთი უკრაინელი
თეატრალური მოღვაწეა.
"ჩვენ, საქართველოს
თეატრები, საერთაშორისო და ადგილობრივი ფესტივალები, დამოუკიდებელი
სახელოვნებო ორგანიზაციები, თეატრში მოღვაწე პერსონალიები უკრაინის
გვერდით ვდგავართ. დღეს, უკრაინაში ფართომასშტაბიანი ომია, რომელსაც
არანაირი გამართლება არა აქვს. ჩვენ კარგად ვხედავთ, როგორ ცდილობს
რუსეთის ფედერაცია სისასტიკითა და ქსენოფობიური შემართებით
გაანადგუროს უკრაინა, მისი სუვერენიტეტი, ტერიტორიული მთლიანობა,
კულტურა და მშვიდობიანი მოსახლეობა.
გვახსენდება ყველაფერი – 9
აპრილი, ჩვენი აფხაზეთი, 2008 წლის რუსეთ-საქართველოს ომი, ჩვენი
დაღუპული ბიჭები, გმირობისა და თავდადების ისტორიები და ასობით ათასი
იძულებით – გადაადგილებული პირი. თითქოს ყველა მოუშუშებელი ჭრილობა
ერთიანად გაგვეხსნა და ხელახალი სიმძაფრით სდის სისხლი. ჩვენ გვჯერა,
რომ რუსეთის ფედერაციის დანაშაული კაცობრიობის წინაშე სრულად იქნება
გამოძიებული და საკადრისად დაისჯება. გვწამს, რომ უკრაინა
გაიმარჯვებს! გვწამს, რომ სინათლე დაამარცხებს წყვდიადს", –
აღნიშნულია მიმართვაში.
უკრაინაში მეთექვსმეტე დღეა ომია.
იბომბება ქვეყნის ათეულობით ქალაქი, იღუპება მშვიდობიანი მოსახლეობა.
9 მარტს, რუსეთის ავიაციამ ქალაქ მარიუპოლში საავადმყოფო და
სამშობიარო დაბომბა, რა დროსაც სამი ადამიანი გარდაიცვალა, მათგან
ერთი ბავშვი. უკრაინული მხარის ცნობით, სამხედრო ოპერაციების შედეგად
დაღუპულია 500-მდე სამოქალაქო პირი.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები