ახალი ამბები
მგზავრებს ფიქსირებული 50 თეთრის ნაცვლად, 70 თეთრის გადახდა უწევთ. გადამზიდავი კომპანია ტარიფის ცვლილებას საწვავზე გაზრდილი ფასით ხსნის, ქუთაისის მერიაში კი პასუხისმგებლობას იხსნიან და ამბობენ, რომ ხაზები კერძო კომპანიას ეკუთვნის. დაზარალებული მხოლოდ მოსახლეობა რჩება, რომლებსაც რელიეფურად რთულ უბანში გადაადგილების ალტერნატივა არ აქვს.
ქუთაისში მგზავრობა გაძვირდა
17:10 / 24.12.2021
ქუთაისში, გორას დასახლებაში,
ოთხი მიმართულებით (N1, N2, N3, N5) მოძრავ ტრანსპორტზე მგზავრობა
გაძვირდა.
მგზავრებს ფიქსირებული 50 თეთრის ნაცვლად, 70 თეთრის გადახდა უწევთ. გადამზიდავი კომპანია ტარიფის ცვლილებას საწვავზე გაზრდილი ფასით ხსნის, ქუთაისის მერიაში კი პასუხისმგებლობას იხსნიან და ამბობენ, რომ ხაზები კერძო კომპანიას ეკუთვნის. დაზარალებული მხოლოდ მოსახლეობა რჩება, რომლებსაც რელიეფურად რთულ უბანში გადაადგილების ალტერნატივა არ აქვს.
შპს "იმერტრანსის"
წარმომადგენელი გოდერძი ქასრაშვილი ამბობს, რომ ამ
გადაწყვეტილებით, გორას დასახლება ტრანსპორტის გაუქმებისგან
გადაარჩინეს.
"70 თეთრი გავხადეთ
იმიტომ, რომ ერთი ლარი არ გამხდარიყო და ამით დავიცავით მოსახლეობის
ინტერესი. მქონდა მძღოლებთან შეხვედრა და ფაქტობრივად წყვეტდნენ
მუშაობას, ვერ შევძლებთო თქვეს. დავთვალეთ ხარჯი და ერთ ლარზე მეტიც
იყო, მაგრამ ერთ ლარს ხომ ვერ გავხდიდით? ამიტომ შევთანხმდით 70
თეთრზე. ფაქტობრივად, გადავარჩინეთ მოსახლეობა, რომ მომსახურების
გარეშე არ დარჩენილიყვნენ", - ამბობს გოდერძი
ქასრაშვილი.
ქუთაისის მერიაში, რომელსაც არც
მოქალაქეების დაცვა შეუძლია თვითნებური გაძვირებისგან და ვერც
ალტერნატივას სთავაზობს საკუთარ მოსახლეობას, განმარტებას არ
აკეთებენ. მერიის პრესსამსახურში გვითხრეს, რომ ინფორმაციის მისაღებად
წერილი უნდა მივწეროთ.
მგზავრობის გაძვირებას ითხოვენ
მიკროავტობუსების მძღოლებიც. ისინი პირად საუბრებში აცხადებენ, რომ
საწვავის ფასის ზრდის პირობებში, თუ მგზავრობის ღირებულებამ არ
მოიმატა, მუშაობას შეწყვეტენ.
არასწორი სატრანსპორტო პოლიტიკის
პირობებში ქუთაისის მერია არაერთხელ აღმოჩენილა კრიზისულ ვითარებაში.
გასულ წლებში, როცა საქალაქო ტრანსპორტი სრულად კერძო კომპანიების
ხელში იყო, მძღოლები იფიცებოდნენ და მგზავრობის ტარიფიც იზრდებოდა.
იმის მიუხედავად, რომ სამარშრუტო ხაზები მერიას ეკუთვნოდა, ადგილობრივ
ხელისუფლებას გადამზიდავ კომპანიებთან მუდმივად კომპრომისი
უწევდა.
მიმდინარე წლის თებერვლიდან, ქალაქს მუნიციპალური ავტობუსები ემსახურება, თუმცა, ცვლილება მხოლოდ საავტობუსო ხაზებს შეეხო. ისეთ უბანში კი, როგორიც გორაა, მერიას საკუთარი ხაზებიც კი არ აქვს.
მიმდინარე წლის თებერვლიდან, ქალაქს მუნიციპალური ავტობუსები ემსახურება, თუმცა, ცვლილება მხოლოდ საავტობუსო ხაზებს შეეხო. ისეთ უბანში კი, როგორიც გორაა, მერიას საკუთარი ხაზებიც კი არ აქვს.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები