ახალი ამბები
რამდენიმე თვის წინ უწყებისთვის გაგზავნილ წერილზე, არასამთავრობო ორგანიზაციამ პასუხი 18 ოქტომბერს მიიღო. პასუხში კი წერია, რომ სამინისტროს პროექტზე დასკვნა გაცემული არ აქვს.
"სამინისტროს პასუხი ადასტურებს, რომ ნამახვანჰესის პროექტი უკანონოდ დამტკიცდა"
10:43 / 19.10.2021
"სოციალური სამართლიანობის
ცენტრი" ნამახვანჰესის პროექტზე ფინანსთა სამინისტროს დაგვიანებულ
"აღიარებას" აფასებს.
რამდენიმე თვის წინ უწყებისთვის გაგზავნილ წერილზე, არასამთავრობო ორგანიზაციამ პასუხი 18 ოქტომბერს მიიღო. პასუხში კი წერია, რომ სამინისტროს პროექტზე დასკვნა გაცემული არ აქვს.
არასამთავრობო ორგანიზაციის
შეფასებით, უწყების პასუხი ნიშნავს იმას, რომ ნამახვანჰესის პროექტზე
ფუნდამენტური დოკუმენტი, რომლითაც სახელმწიფოს მისი ხარჯსარგებლიანობა
და ეკონომიკური მიზანშეწონილობა უნდა დაესაბუთებინა, არ არსებობს. ეს
გარემოება კი "ენკასთან" დადებული ხელშეკრულების უკანონოდ ცნობის
საფუძველს ქმნის.
"ფინანსთა სამინისტროს
პასუხი იმის დასტურია, რომ საქართველოს მთავრობამ ნამახვანჰესის
პროექტი უკანონოდ დაამტკიცა. აქედან გამომდინარე, დასკვნის არარსებობა
ინვესტორ კომპანიასთან დადებული ხელშეკრულების უკანონოდ ცნობის
სამართლებრივ საფუძველსაც ქმნის. ამ დასკვნის გაცემა მხოლოდ
პროცედურული ნაბიჯი არ არის. ფინანსთა სამინისტროს აღნიშნული დასკვნა,
პროექტის საჯარო სარგებლიანობისა და მისი განხორციელების ეკონომიკური
მიზანშეწონილობის განსაზღვრისთვის ფუნდამენტური შინაარსის მქონე
დოკუმენტი უნდა ყოფილიყო. ის ფაქტი, რომ ეს დოკუმენტი არ მომზადებულა,
ნიშნავს, რომ სახელმწიფოს ამ პროექტის ხარჯსარგებლიანობა არ
დაუსაბუთებია", - მიაჩნია "სოციალური სამართლიანობის
ცენტრს".
კომპანია "ენკამ", რომელმაც
რიონის ხეობაში გიგანტური ჰესის მშენებლობა გასულ წელს დაიწყო, ერთი
თვის წინ განაცხადა, რომ ხელშეკრულებას წყვეტს. სტამბოლის საფონდო
ბირჟაზე გამოქვეყნებული განცხადების მიხედვით, "ენკა რინიუებლზი"
კონტრაქტზე უარს მისი პირობების დარღვევისა და ფორსმაჟორული
გარემოებების გამო ამბობს. კონკრეტულად რას გულისხმობს "ენკა"
ფორსმაჟორში, უცნობია. ადგილობრივების ინფორმაციით, კომპანიის
თანამშრომლები ბოლო თვეების განმავლობაში ხეობაში დემონსტრაციულად
შედიოდნენ ტექნიკით, "მცველების" მიერ წინააღმდეგობის გაწევის შემდეგ
უკან ბრუნდებოდნენ, პროცესს კი დრონის საშუალებით კამერაზე
აღბეჭდავდნენ. მათი თქმით, კომპანია ამ გზით საარბიტრაჟო
სასამართლოსთვის მასალებს აგროვებდა.
18 ოქტომბერს ეკონომიკის მინისტრმა ნათია თურნავამ თქვა, რომ სახელმწიფო ცდილობს პრობლემის გადაჭრას მოლაპარაკების გზით მიაღწიოს და საქმე საარბიტრაჟო სასამართლოში არ წავიდეს.
18 ოქტომბერს ეკონომიკის მინისტრმა ნათია თურნავამ თქვა, რომ სახელმწიფო ცდილობს პრობლემის გადაჭრას მოლაპარაკების გზით მიაღწიოს და საქმე საარბიტრაჟო სასამართლოში არ წავიდეს.
"ენკას" მიერ
ხელშეკრულების გაწყვეტის შესახებ განცხადების მიუხედავად,
ადგილობრივები პროტესტს არ წყვეტენ. რიონის ხეობაში გაშლილ კარვებში
"მცველები" ისევ ათენებენ ღამეებს. ადგილობრივები საკითხის საბოლოოდ
გარკვევამდე დაშლას არ აპირებენ. პროტესტი 355 დღეა
გრძელდება.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები