ახალი ამბები
სუს-ის ფაილებთან დაკავშირებით საპატრიარქო განცხადებას ავრცელებს
10:34 / 30.09.2021
საქართველოს საპატრიარქო სუს-ის შესაძლო ფაილების
გავრცელებასთან დაკავშირებით განცხადებას ავრცელებს.
საპატრიარქოს განცხადებით, ფაილების
გავრცელების მიზანი ეკლესიის წინასაარჩევნო დებატებში ჩართვა და მისი
მსახურების დისკრედიტაცია იყო.
"გაურკვეველი წარმომავლობის გამოქვეყნებულ
ფაილებში ტყუილ-მართლის გარჩევა შეუძლებელია; ერთი კი ცხადია: ამ
მასალამ ეკლესიისადმი მტრულად განწყობილ ძალებს მისცა ცილისწამების,
პატივის, ღირსებისა და რეპუტაციის შემლახველი ჭორების გავრცელების
საშუალება, რაშიც სხვებთან ერთად აქტიურად არიან ჩართულნი თავისი
სკანდალური ქმედებებით ცნობილი რამდენიმე სასულიერო პირი, ე.წ.
თეოლოგები, საინფორმაციო საშუალებები და ზოგიერთი ტელევიზია", -
წერია განცადებაში.
საპატრიარქო, მედიას,
ფაილების გავრცელების გამო, დანაშაულის ხელშემწყობს და
ცილისწამების გამავრცელებელს უწოდებს.
"ამასთან, იკვეთება აღნიშნული ტელევიზიებისა
და, ზოგადად, მასმედიის ორმაგი სტანდარტიც: საზოგადოებას კარგად
ახსოვს, როგორი მკვეთრად უარყოფითი რეაგირება ჰქონდათ მათ (ისევე,
როგორც ყველას) არცთუ ისე დიდი ხნის წინ მასმედიის წარმომადგენლებზე
და სხვა პირებთან დაკავშირებული პირადი ცხოვრების ამსახველი კადრების
ეთერში გაშვებაზე. ახლა კი თვითონ არიან დანაშაულის ხელშემწყობნი, –
ცილისწამების მთავარი და ყველაზე ფართომასშტაბიანი გამავრცელებელნი,
მათ შორის შერჩევითობის პრინციპით.
მაგ. ადრინდელ მნიშვნელოვან მოვლენებზე რომ
არაფერი ვთქვათ, მათ ეთერში არაფერი გაჟღერებულა თუნდაც იმ საუბრების
შესახებ, სადაც მღვდელმთავრების დაპატიმრებასა და საპატრიარქოს
შტურმით აღებაზეა საუბარი; ეს ხომ მეტად საგულისხმო ინფორმაციაა?", -
აღნიშნულია განცხადებაში.
საპატრიარქოს თქმით, გავრცელებული
ფაილები ვერ დააყენებს ეკლესიის წევრების
პასუხისმგებლობას.
"ცნობილია, საეკლესიო სასჯელის დადება უნდა
ემყარებოდეს უტყუარ მტკიცებულებებს; ამიტომაც აღნიშნული ფაილები,
მათთან დაკავშირებული სერიოზული პრობლემების გამო, გადაწყვეტილების
მისაღებად გამოუყენებელია. თუ კონკრეტული სასულიერო პირის შეუფერებელი
ქმედების შესახებ რეალური მტკიცებულებების მოპოვება მოხდება, კომისიის
მხრიდან საკითხის შესწავლისა და ფაქტების დადასტურების შემთხვევაში,
აუცილებლად იქნება შესაბამისი რეაგირება"
საპატრიარქოს განცხადების თანახმად,
უკანონო თვალთვალი და მოსმენები მიუღებელია.
"გვინდა, ასევე, განვაცხადოთ: იმ
შემთხვევაში, თუ ნამდვილად ხდებოდა მღვდელმსახურთა უკანონო თვალთვალი
და მოსმენები, ეს არის ყოვლად მიუღებელი, რადგან ასეთი ქმედება,
უპირველეს ყოვლისა, საფრთხეს უქმნის სასულიერო პირებისა და მრევლის
კომუნიკაციას და არღვევს ქრისტიანულ სწავლებაში აღსარების
გაუთქმელობის უმთავრეს და ხელშეუხებელ პრინციპს, დაცულს, როგორც
საქართველოს, ასევე, საერთაშორისო კანონმდებლობით''
სუსიდან გამოტანილი ფარული
ჩანაწერები 13 სექტემბერს გასაჯაროვდა.
ფარული მიყურადებით მოპოვებული
ინფორმაცია სასულიერო პირებს ეხება. ზოგიერთი ცნობა შეიცავს სისხლის
სამართლის დანაშაულის ნიშნებს. კონკრეტულად, საუბარია სასულიერო
პირების მხრიდან სექსუალური კონტაქტის დამყარებაზე არასრულოვნებთან,
ქრთამის აღებაზე პატიმართა შეწყალებაზე შუამდგომლობის სანაცვლოდ და
სხვა.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები