ახალი ამბები
ქონება ეკონომიკის სამინისტრომ ხუთ მილიონიანი ინვესტიციის სანაცვლოდ, პირდაპირი მიყიდვის წესით გაასხვისა. შენობაში კომპანია "სითი ლოფტი", რომლის 100%-იანი წილის მფლობელი ქართველი ბიზნესმენი თემურ უგულავაა, სასტუმროს მოწყობას გეგმავს.
რაც შეეხება ვალდებულებებს, მფლობელმა ადგილზე სამი წლის განმავლობაში, სულ მცირე, ხუთი მილიონი ლარის ინვესტიცია უნდა განახორციელოს და 200-მდე ადამიანი დაასაქმოს. შენობის რეკონსტრუქცია კი 2022 წელს უნდა დაიწყოს.
ყოფილი საგრენაჟო ქარხნის შენობა ქუთაისში წლებია ამორტიზებულია. ეკონომიკის სამინისტრომ მისი გაყიდვა ოთხი თვის წინ სცადა, თუმცა, ქონების შეძენით არავინ დაინტერესებულა. შენობაში ახლა რამდენიმე სოციალურად დაუცველი ოჯახი ცხოვრობს, რომელთა ბედი ჯერჯერობით გაურკვეველია.
5926კვ.მ ფართზე განთავსებული შენობა კულტურული მემკვიდრეობის ძეგლს წარმოადგენს. აჭარა ჯგუფში ამბობენ, რომ შენობის რეკონსტრუქცია კანონის შესაბამისად მოხდება.
შენობის ყიდვით სხვადასხვა დროს რამდენიმე ინვესტორი იყო დაინტერესებული. ქონების შეძენა წინა ხელისუფლების დროს ყაზახ ინვესტორთა ჯგუფს სურდა, თუმცა, მოლაპარაკებები ჩაიშალა. 2017 წელს, არსებული ინფორმაციით, ტერიტორიაზე საცხოვრებელი კორპუსის მშენებლობას აპირებდნენ "პატრიოტთა ალიანსის" ლიდერები, თუმცა, არც ეს შეთანხმება შედგა. აჭარა ჯგუფამდე კი "ქუთაისიპოსტის" ინფორმაციით, ქონებით დაინტერესება თურქმა ინვესტორმა გამოთქვა, მაგრამ სამინისტრომ მას შვიდი მილიონი ლარი მოსთხოვა, რაზეც ბიზნესმენმა უარი თქვა.
ქუთაისის საგრენაჟო ქარხანა 1938 წელს დაარსდა. გრენის ანუ აბრეშუმის პარკის გაცოცხლება პირველად საბჭოთა კავშირში ქუთაისში დაიწო. ქუთაისის საგრენაჟო ქარხანასა და მთლიანად იმერეთის რეგიონში არსებულ პარკსაშრობებში 200-მდე ადამიანი მუშაობდა. საბჭოთა კავშირის დაშლის შემდეგ, ქარხანაში საწარმოო პროცესი თანდათანობით მოიშალა.
ამ პერიოდში საწარმოს იმ ნაწილში, რომელიც თამარ მეფის ქუჩაზე გამოდის, სხვადასხვა დროს კაფე-ბარი, კომერციული მაღაზია და ყვავილების სალონი ფუნქციონირებდა. შენობის წინ ახლაც მუშაობს ღია კაფე. 2000-იანი წლების დასაწყისში საწარმოს დავალიანება დაუგროვდა. 2009 წელს კი ქონება დაყადაღდა. ამ პერიოდიდან საწარმო სახელმწიფო საკუთრებას წარმოადგენს. შენობა კი უსახლკარო ადამიანების თავშესაფრად იქცა.
ქუთაისის ყოფილი საგრენაჟო ქარხნის შენობა გაიყიდა
16:47 / 28.07.2021
ქუთაისში, თამარ მეფის ქუჩაზე,
გასული საუკუნის 30-იან წლებში აშენებული საგრენაჟო ქარხნის ყოფილი
შენობა გაიყიდა.
ქონება ეკონომიკის სამინისტრომ ხუთ მილიონიანი ინვესტიციის სანაცვლოდ, პირდაპირი მიყიდვის წესით გაასხვისა. შენობაში კომპანია "სითი ლოფტი", რომლის 100%-იანი წილის მფლობელი ქართველი ბიზნესმენი თემურ უგულავაა, სასტუმროს მოწყობას გეგმავს.
"აჭარა ჯგუფის პროექტების განვითარების კონცეფცია გულისხმობს
ისეთი მრავალფუნქციური მიზიდულობის ცენტრების შექმნას, როგორიცაა
"სტამბა" და "ფაბრიკა" თბილისში. შენობის რეაბილიტაციის შედეგად,
შეიქმნება ქალაქის შემოქმედებითი და სახელოვნებო ჰაბი, გაიხსნება
სასტუმრო, სივრცეები სოციალიზაციისთვის, საერთო სამუშაო სივრცეები და
კვების ობიექტები. ქუთაისის ყოფილი საგრენაჟო ქარხანა ახალ კულტურულ
და მიზიდულობის ცენტრად გარდაიქმნება", - აცხადებენ აჭარა
ჯგუფში.
რაც შეეხება ვალდებულებებს, მფლობელმა ადგილზე სამი წლის განმავლობაში, სულ მცირე, ხუთი მილიონი ლარის ინვესტიცია უნდა განახორციელოს და 200-მდე ადამიანი დაასაქმოს. შენობის რეკონსტრუქცია კი 2022 წელს უნდა დაიწყოს.
ყოფილი საგრენაჟო ქარხნის შენობა ქუთაისში წლებია ამორტიზებულია. ეკონომიკის სამინისტრომ მისი გაყიდვა ოთხი თვის წინ სცადა, თუმცა, ქონების შეძენით არავინ დაინტერესებულა. შენობაში ახლა რამდენიმე სოციალურად დაუცველი ოჯახი ცხოვრობს, რომელთა ბედი ჯერჯერობით გაურკვეველია.
5926კვ.მ ფართზე განთავსებული შენობა კულტურული მემკვიდრეობის ძეგლს წარმოადგენს. აჭარა ჯგუფში ამბობენ, რომ შენობის რეკონსტრუქცია კანონის შესაბამისად მოხდება.
შენობის ყიდვით სხვადასხვა დროს რამდენიმე ინვესტორი იყო დაინტერესებული. ქონების შეძენა წინა ხელისუფლების დროს ყაზახ ინვესტორთა ჯგუფს სურდა, თუმცა, მოლაპარაკებები ჩაიშალა. 2017 წელს, არსებული ინფორმაციით, ტერიტორიაზე საცხოვრებელი კორპუსის მშენებლობას აპირებდნენ "პატრიოტთა ალიანსის" ლიდერები, თუმცა, არც ეს შეთანხმება შედგა. აჭარა ჯგუფამდე კი "ქუთაისიპოსტის" ინფორმაციით, ქონებით დაინტერესება თურქმა ინვესტორმა გამოთქვა, მაგრამ სამინისტრომ მას შვიდი მილიონი ლარი მოსთხოვა, რაზეც ბიზნესმენმა უარი თქვა.
ქუთაისის საგრენაჟო ქარხანა 1938 წელს დაარსდა. გრენის ანუ აბრეშუმის პარკის გაცოცხლება პირველად საბჭოთა კავშირში ქუთაისში დაიწო. ქუთაისის საგრენაჟო ქარხანასა და მთლიანად იმერეთის რეგიონში არსებულ პარკსაშრობებში 200-მდე ადამიანი მუშაობდა. საბჭოთა კავშირის დაშლის შემდეგ, ქარხანაში საწარმოო პროცესი თანდათანობით მოიშალა.
ამ პერიოდში საწარმოს იმ ნაწილში, რომელიც თამარ მეფის ქუჩაზე გამოდის, სხვადასხვა დროს კაფე-ბარი, კომერციული მაღაზია და ყვავილების სალონი ფუნქციონირებდა. შენობის წინ ახლაც მუშაობს ღია კაფე. 2000-იანი წლების დასაწყისში საწარმოს დავალიანება დაუგროვდა. 2009 წელს კი ქონება დაყადაღდა. ამ პერიოდიდან საწარმო სახელმწიფო საკუთრებას წარმოადგენს. შენობა კი უსახლკარო ადამიანების თავშესაფრად იქცა.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები