ახალი ამბები
2018 წელს დაანონსებული კიბეების აღდგენის პროცესი არც კი დაწყებულა. მერიამ მხოლოდ პროექტი შეადგინა. სამუშაოებზე გამოცხადებული ტენდერის მისივე ინიციატივით ჩაშლის შემდეგ კი, პროექტის განხორციელებაზე ზრუნვით თავი აღარ შეუწუხებია.
ქუთაისის მერია ჩავარდნილი პროექტის დაფინანსებას ევროკავშირს სთხოვს
17:10 / 25.06.2021
ქუთაისის მერიამ ასსაფეხურიანი
კიბის რეკონსტრუქციის სამწლიანი დაპირება ვერ შეასრულა.
2018 წელს დაანონსებული კიბეების აღდგენის პროცესი არც კი დაწყებულა. მერიამ მხოლოდ პროექტი შეადგინა. სამუშაოებზე გამოცხადებული ტენდერის მისივე ინიციატივით ჩაშლის შემდეგ კი, პროექტის განხორციელებაზე ზრუნვით თავი აღარ შეუწუხებია.
ამორტიზებული კიბეების
რეკონსტრუქციის დაპირება წლიდან წლამდე, ბიუჯეტიდან ბიუჯეტში
გადადიოდა. მერია ყოველ წელს ირწმუნებოდა, რომ ამისთვის საკმარისი
თანხა, ერთი მილიონი ლარი მობილიზებული ჰქონდა. ახლა კი ირკვევა, რომ
ფული არ აქვს და დაფინანსების იმედით მის ევროკავშირის
საგრანტო კონკურსზე გატანას აპირებს. თუმცა, მერია კონკურსზე
ისე საუბრობს, რომ ჯერ პროექტი იმერეთის სამხარეო ადმინისტრაციასთან
არსებულ საკონსულტაციო საბჭოზე არც კი განხილულა. ეს მაშინ, როცა
აღნიშნული საკითხი საბჭომ უნდა გადაწყვიტოს.
სამხარეო ადმინისტრაციაში ამბობენ,
რომ მერიისგან შესაბამისი დოკუმენტი ამ დრომდე არ
მიუღიათ.
"ოფიციალური დოკუმენტი
ჩვენთან არ შემოსულა. როცა შემოვა, ჩაინიშნება საბჭოს სხდომა და
გადაწყდება საკითხი", - აცხადებენ სამხარეო
ადმინისტრაციაში.
მერიას, მისივე პასიურობის
გამო, 2019 წელს შედგენილი პროექტის კორექტირებაც მოუწევს, რადგან
საგრანტო კონკურსში გამარჯვების შემთხვევაში, მისი ღირებულება თავიდან
უნდა განისაზღვროს. საბაზრო ფასთან პროექტის შესაბამისობაში
მოსაყვანად მერიას დამატებითი თანხის დახარჯვა
დასჭირდება.
"ამ პროექტს აქვს ის
უპირატესობა, რომ არსებობს დეტალური პროექტი და დაფინანსების
გადაწყვეტილების შემთხვევაში, ხელისშემშლელი გარემოება
ფაქტიურად არ გვაქვს. თუმცა, დონორის მოთხოვნაა, რომ ყველა პროექტი,
რომელიც მის მიერ იქნება მოწონებული, უნდა გადამოწმდეს. ამას, დიდი
ალბათობით, სამხარაულს დავუკვეთავთ და ექსპერტიზა დაადგენს რეალურად
რა ღირს ახლა ეს პროექტი", - ამბობს
ინფრასტრუქტურის სამსახურის სამსახურის უფროსის მოადგილე, მირზა
ხიდაშელი.
მირზა ხიდაშელი ვარაუდობს, რომ
ექსპერტიზის შემდეგ პროექტის ღირებულება გაიზრდება.
2020 წელს გამოცხადებული ტენდერის
მიხედვით, მერია კიბეების რეკონსტრუქციაში 736 306 ლარს იხდიდა. ახლა
კი ეს უფრო ძვირი დაუჯდება.
ამავე თემაზე:
ბალახვნის კიბის რეაბილიტაციისთვის ერთი მილიონი ლარი დაიხარჯება
ასსაფეხურიანი კიბეების პროექტირების ტენდერი მეორედ ჩაიშალა
როგორი უნდა ყოფილიყო და როგორი იქნება ბალახვნის ას საფეხურიანი კიბე: ნახეთ აქ
ამავე თემაზე:
ბალახვნის კიბის რეაბილიტაციისთვის ერთი მილიონი ლარი დაიხარჯება
ასსაფეხურიანი კიბეების პროექტირების ტენდერი მეორედ ჩაიშალა
როგორი უნდა ყოფილიყო და როგორი იქნება ბალახვნის ას საფეხურიანი კიბე: ნახეთ აქ
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები