ახალი ამბები
მოსამართლე მალხაზ ჩუბინიძის გადაწყვეტილებით, 27 მაისს დაკავებულების მიმართ წარდგენილი ორი მუხლიდან, ერთზე (173-ე) საქმის წარმოება შეწყდა, ხოლო 166-ე მუხლის ნაწილში აქციის მონაწილეებს შენიშვნა მიეცათ.
სასამართლომ ნამახვანჰესის საწინააღმდეგო აქციაზე დაკავებულებს შენიშვნა გამოუცხადა
17:57 / 07.06.2021
ნამახვანჰესის საწინააღმდეგო
აქციაზე რვავე დაკავებულს ქუთაისის საქალაქო სასამართლომ შენიშვნა
გამოუცხადა.
მოსამართლე მალხაზ ჩუბინიძის გადაწყვეტილებით, 27 მაისს დაკავებულების მიმართ წარდგენილი ორი მუხლიდან, ერთზე (173-ე) საქმის წარმოება შეწყდა, ხოლო 166-ე მუხლის ნაწილში აქციის მონაწილეებს შენიშვნა მიეცათ.
"სასამართლოსთვის იმდენად
სუსტი იყო ორივე ქმედება, რომ აუცილებლად ორივე ნაწილში უნდა
შეეწყვიტა საქმის წარმოება, მაგრამ მიიღო ასეთი
გადაწყვეტილება. ჯარიმა არ გამოიყენა და მხოლოდ შენიშვნა მისცა",
- ამბობს ადვოკატი დალი სულაქველიძე.
დაცვის მხარე სასამართლოს ამ
გადაწყვეტილებას გაასაჩივრებს.
რვა აქტივისტი პოლიციამ რიონის
ხეობაში, საპროტესტო აქციაზე 27 მაისს დააკავა. ყველა მათგანს ბრალი
ადმინისტრაციულ სამართალდარღვევათა კოდექსის ორი მუხლით ჰქონდა
წარდგენილი, რაც სამართალდამცველის კანონიერი მოთხოვნისადმი
დაუმორჩილებლობას და წვრილმან ხულიგნობას გულისხმობს. რვავე
დაკავებული ხელწერილის საფუძველზე მალევე გაათავისუფლეს.
დღეს კი ქუთაისის საქალაქო
სასამართლოს მიერ გადაწყვეტილების გამოცხადებას, სასამართლოს ეზოსთან
ელოდებოდნენ აქტივისტები. მანამდე მათ აქცია გამართეს ნამახვანჰესის
მშენებელი კომპანია "ენკას" ოფისთან და შესასვლელი ჭიშკარი
სიმბოლურად, წებოვანი ლენტით დალუქეს.
აქტივისტები აცხადებენ, რომ თუ
ხელისუფლება არ გაითვალისწინებს მათ მოთხოვნებს, ისინი კომპანიის
ოფისთან ისევ შეიკრიბებიან და თანამშრომლებს
გადაადგილების საშუალებას არ მისცემენ.
რიონის ხეობაში ისევ დაძაბული
ვითარებაა. ხეობის მცველები ყოველდღიურ რეჟიმში რამდენიმე
ლოკაციაზე მორიგეობენ და კომპანიის ტექნიკას ხეობის მიმართულებით არ
ატარებენ.
მსგავსი სიახლეები
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
15:01 / 22.11.2024
პირველი დეკემბრიდან პირველ მარტამდე, გზის ცალკეულ მონაკვეთებზე
სატრანსპორტო საშუალების ზამთრის საბურავებით მოძრაობა სავალდებულოა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები