ახალი ამბები
რიონის ხეობაში ჰესის მშენებელი კომპანიის ახალი დირექტორი პოლიციის თანხლებით მივიდა
11:29 / 03.04.2021
რიონის ხეობაში, გიგანტური ჰესის მშენებლობის
მოწინააღმდეგეებთან შესახვედრად, ჰესის მშენებელი კომპანიის ახალი
დირექტორი მივიდა.
მერაბ ლომინაძესთან ერთად ადგილზე პოლიციის
თანამშრომლებიც იმყოფებიან. ადგილობრივი აქტივისტის ვარლამ გოლეთიანის
თქმით, ახალი დირექტორი მათ მუქარის და ულტიმატუმის ენით
ელაპარაკება.
"საუბარი ჰქონდა მუქარის შემცველი და გვითხრა,
რომ უნდა გავითვალისწინოთ მათი მოთხოვნები, რადგან კომპანიამ უნდა
გააგრძელოს აქ სამუშაოები, წინააღმდეგ შემთხვევაში პოლიციის ძალით
შეგვიშლიან ხელს",- ამბობს ვარლამ გოლეთიანი.
რიონის ხეობისკენ მისასვლელი გზა
შეზღუდულია. საპოლიციო კონტროლი გუმათჰესის ტერიტორიიდან
იწყება.
რიონის ხეობაში პროტესტი გრძელდება.
ადგილობრივებმა უკვე 160-ე ღამე გაათიეს კარვებში.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს. გარდა ხელისუფლების მიერ აღებული
კოლოსალური ფინანსური ვალდებულებებისა, ექსპერტები საუბრობენ ჰესის
ნეგატიურ შედეგებზე. მათი თქმით, ჰესი სრულად შეცვლის ხეობის
მიკროკლიმატსა და ბიომრავალფეროვნებას, კაშხლის დაზიანების
შემთხვევაში კი 34 მეტრიანი ტალღა 19 წუთში გადაუვლის ხეობას და
მიაღწევს ქუთაისამდე.
მსგავსი სიახლეები
11:16 / 22.11.2024
პარლამენტის თავმჯდომარემ შალვა პაპუაშვილმა,
არჩევნების შედეგების მიმართ მიმდინარე პროტესტის მიუხედავად, ახალი
პარლამენტის შეკრების თარიღი და სხდომის ჩატარების დრო
დაასახელა.
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები
რექტორის გადადგომის მოთხოვნით ღამეებს ათენებენ, დაპირისპირება
მოხდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები