ახალი ამბები
ცვლილების მიხედვით, სოციალურ საცხოვრისში ცხოვრების ვადა ხუთიდან ორ წლამდე მცირდება.
მოტყუებული ბენეფიციარები და სამი წლით შემცირებული ცხოვრების უფლება თავშესაფარში (ვიდეო)
18:58 / 01.04.2021
ქუთაისში, ნიკეას ქუჩაზე მდებარე სოციალურ
თავშესაფარში მცხოვრებლები, მერიის გადაწყვეტილებას, საცხოვრისში
ცხოვრების ვადის ორ წლამდე შემცირების შესახებ, უსამართლოს
უწოდებენ.
მათი თქმით,
მათ ხუთწლიან შეთანხმებაზე აქვთ ხელი მოწერილი. გარდა ამისა, ისინი
არც სოციალურ ქულებს ენდობიან და შიშობენ, რომ სააგენტომ, შესაძლოა
მათი საცხოვრებელი პირობები არასწორად შეაფასოს და მაღალი ქულები
დაუწეროს.
31 მარტს, საკრებულოს სხდომაზე მიღებული
გადაწყვეტილება მერიას ბენეფიციარებისთვის არ უცნობებია.
ცვლილების მიხედვით, სოციალურ საცხოვრისში ცხოვრების ვადა ხუთიდან ორ წლამდე მცირდება.
თვითმმართველობის გადაწყვეტილებით,
ბენეფიციარები თავშესაფარში გარანტირებულად ცხოვრებას მხოლოდ ამ დროით
შეძლებენ. ყოველ ორ წელიწადში ერთხელ კი მათი სოციალური მდგომარეობა
შემოწმდება. თუ აღმოჩნდება, რომ საცხოვრისში შესახლებულთა პირობები
გაუმჯობესდა, მათ ბინის დატოვება მოუწევთ. მათ ბედს კი სარეიტინგო
ქულები გადაწყვეტს, რომელსაც სოციალური სააგენტო ადგენს.
სოციალურ საცხოვრისში 82 ოჯახი 2017 წელს იმ
პირობით შესახლდა, რომ ხუთი წლის განმავლობაში მათ შენობას არავინ
დაატოვებინებდა, თუმცა, სამი წლისა და ექვსი თვის შემდეგ მერია
ამბობს, რომ ხელშეკრულებაში, რომლებიც ბენეფიციარებთან გააფორმეს,
ტექნიკური ხარვეზი იყო და მათ საცხოვრისში ცხოვრების უფლება არა ხუთი,
არამედ მხოლოდ ორი წლით ჰქონდათ.
თუმცა, მერია არაფერს ამბობს იმაზე, თუ რატომ არ
გამოასწორა ხარვეზი აქამდე და რატომ გაახსენდა შეცდომის გასწორება
სამწელიწად ნახევრის შემდეგ. იმის მიუხედავად, რომ ხელშეკრულებით
გათვალისწინებული ხუთწლიანი ვადა ამოწურული არ არის, მერიამ უკვე
გამოითხოვა თავშესაფარში მცხოვრებთა სარეიტინგო ქულები, რომელთა
განხილვის შემდეგაც გადაწყვეტს ვინ დარჩება შენობაში და ვინ დატოვებს
თავშესაფარს.
ქუთაისის სოციალური საცხოვრისი 2017 წელს
გაიხსნა. ყოფილი კავშირგაბმულობის შენობის რეაბილიტაცია ბიუჯეტს
4
372 000 ლარი დაუჯდა,
თუმცა, სამუშაოები უხარისხოდ შესრულდა. შენობაში გახსნიდან ერთ თვეში
ჭერი ჩამოინგრა. მოგვიანებით, საცხოვრისის რეაბილიტაციის საქმეზე
გამოძიებაც დაიწყო, თუმცა, ამ დრომდე პასუხისგებაში არავინ
მიცემულა.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები