ახალი ამბები
53% აცრაზე უარს აცხადებს, 20% კი ვაქცინაციის საჭიროებას საერთოდ ვერ ხედავს - NDI-ს კვლევა
FaceBook
13:15 / 23.03.2021
NDI-მ საქართველოში კორონავირუსის შესახებ ინფორმაციის ფლობის, ვაქცინაციისა და ვირუსის წინააღმდეგ ხელისუფლების ბრძოლის ეფექტიანობის თვალსაზრისით, საზოგადოების განწყობა შეისწავლა.

მოსახლეობა კორონავირუსის აცრის მიმართ  სკეპტიკურად არის განწყობილი.  მთავრობის ვაქცინაციის გეგმას ეფექტურად მოსახლეობის  ნახევარზე ნაკლები  -  42% აფასებს და მხოლოდ 35% ამბობს, რომ შესაძლებლობის შემთხვევაში აიცრებოდა; 53% კი აცრაზე უარს აცხადებს.

კვლევის მიხედვით,  ქალები და 55 წელს ქვემოთ ასაკის მოქალაქეები, სხვებთან შედარებით, ვაქცინაციის მიმართ უფრო სკეპტიკურად არიან განწყობილნი. ისინი, ვინც ამბობს, რომ აცრას არ გაიკეთებენ, მიზეზად ასახელებენ ვაქცინის ხარისხის მიმართ უნდობლობას. გამოკითხულთა 48% ვაქცინას უნდობლობას უცხადებს, 20% კი დარწმუნებულია, რომ პანდემიის გადალახვას ვაქცინაციის გარეშეც შეძლებენ.

მოქალაქეების 60%  კოვიდ-19-ის შესახებ ინფორმაციას უმეტესად ტელევიზიიდან იღებს, 35% ინტერნეტით. გამოკითხულთა 74% ნდობას უცხადებს  სამედიცინო სფეროს მუშაკების მიერ მიწოდებულ ინფორმაციას, დაავადებათა კონტროლის ეროვნული ცენტრის ინფორმაციას კი 68% ენდობა.

გამოკითხული მოსახლეობის 68% მიიჩნევს, რომ 2021 წელს ხელისუფლება კორონავირუსს კარგად გაუმკლავდა, 27% მიიჩნევს, რომ ცუდად, 4%-მა კი არ იცის იყო თუ არა ეფექტური მთავრობის ნაბიჯები ვირუსის წინააღმდეგ ბრძოლაში.

კვლევითმა ორგანიზაციამ გამოკითხვა სამი ძირითადი მიმართულებით ჩაატარა:

● მოსახლეობის პრიორიტეტების შესახებ (ჯანდაცვა და ეკონომიკა) სიღრმისეული ინფორმაციის მიწოდება;

● ახალი მოწვევის პარლამენტის მიმართ არსებული მოლოდინების შესწავლა;

● გადაწყვეტილების მიმღები პირებისთვის კოვიდ-19-სა და დაგეგმილი ვაქცინაციის პროცესის მიმართ არსებული დამოკიდებულებებისა და გამოწვევების შესახებ ინფორმაციის მიწოდება.

კვლევა NDI-ის დაკვეთით CRRC-ის მიერ ჩატარდა. ეროვნულ-დემოკრატიული ინსტიტუტის ინფორმაციით, სატელეფონო გამოკითხვები 2021 წლის 17-24 თებერვალს ჩაატარეს (2 024 დასრულებული ინტერვიუ) საშუალო ცდომილების ზღვარი +/- 1.4%-ია. ცდომილების ზღვარი სხვადასხვა კითხვის მიხედვით იცვლება.
Print E-mail
FaceBook Twitter
ავტორი:
მარიამ პატარაია
ავტორის სხვა სტატიები
თეგები: #NDI #გამოკითხვა #ვაქცინა #კვლევა #მოსახლეობის განწყობა #პანდემია


მასალის გამოყენების პირობები

მსგავსი სიახლეები
გამთენიისას დაპირისპირება იყო თბილისის სახელმწიფო უნივერსიტეტში
გამთენიისას, თბილისის სახელმწიფო უნივერსიტეტში, სადაც სტუდენტები რექტორის გადადგომის მოთხოვნით ღამეებს ათენებენ, დაპირისპირება მოხდა.
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები რექტორის გადადგომის მოთხოვნით ღამეებს ათენებენ, დაპირისპირება მოხდა.
ქუთაისში 13 100 აბონენტს წყალი არ მიეწოდება
ქუთაისში, მუხნარის ადმინისტრაციულ ერთეულის მოსახლეობას, 13 100 აბონენტს, სასმელი წყალი არ მიეწოდება.
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100 აბონენტს, სასმელი წყალი არ მიეწოდება.
ARCHIVE ახალი ამბები

ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.