ახალი ამბები
როგორ დაისჯება ბიზნესი, რომელიც დაარღვევს მთავრობის მოთხოვნებს
13:30 / 04.02.2021
პანდემიის დროს დაწესებული შეღავათებითა და
სუბსიდირებით ვეღარ ისარგებლებენ ის ორგანიზაციები, თუ
ბიზნესსუბიექტები, რომლებიც შეზღუდვების პერიოდში განახორციელებენ
ეკონომიკურ საქმიანობას.
,,სრულიად სამართლიანი არის ის, რომ
ჩვენ გავამკაცროთ მოთხოვნა ყველა იმ ობიექტის და ბიზნესის მიმართ ვინც
მიზანმიმართულად დაარღვევს ეპიდემიოლოგების მიერ დაწესებულ აუცილებელ
მოთხოვნებს, კანონმდებლობით დაწესებულ აუცილებელ მოთხოვნებს. ამ
შემთხვევაში ვიტოვებთ უფლებას არამხოლოდ დაჯარიმების, არამედ სრულიად
სამართლიანია, რომ სახელმწიფომ გადახედოს ამ ობიექტების სახელმწიფო
პროგრამებში მონაწილეობასაც, იმიტომ, რომ ყველა ეს პროგრამა, რასაც
ახლა ჩვენ ვახმოვანებთ - ეს არის თანხა, ეს არის სოლიდური თანხა,
რომელიც მიდის ჩვენი ბიუჯეტიდან, ეს არის მოსახლეობის თანხა. არ მინდა
იყოს მიჩნეული, რომ ეს რესტორნების წინააღმდეგ არის მიმართული,
გამგები გაიგებს", - განაცხადა საქართველოს
ეკონომიკის მინისტრმა ნათია თურნავამ საკოორდინაციო საბჭოს
სხდომაზე.
მისივე თქმით, აღნიშნული გადაწყვეტილება შეეხება
ყველა იმ ბიზნესს, რომელიც სახელმწიფო პროგრამით
სარგებლობს.
ამავე სხდომაზე პრემიერ-მინისტრმა, გიორგი
გახარიამ განმარტა, რომ რესტორნებისთვის საბანკო სესხის სუბსიდირების
პროგრამის ფარგლებში დაფინანსების მიღების თხოვნით მთავრობას
დაახლოებით 2000-მა რესტორანმა მიმართა, საიდანაც განაცხადი 420-ს
დაუკმაყოფილდა. პრემიერის თქმითვე, მათ დღეს მიიღეს გადაწყვეტილება
პროგრამის მოთხოვნები ისე შემსუბუქდეს, რომ დანარჩენ კვების
ოქბიექტებსაც პროგრამით სარგებლობის შესაძლებლობა
მიეცეთ.
სახელმწიფო პროგრამა საპროცენტო განაკვეთის
80%-ის სუბსიდირებას ითვალისწინებს.
საქართველოს მთავრობამ დღეს, 4 თებერვალს შეზღუდვების ეტაპობრივი შემსუბუქება დაგეგმილზე ადრე დაიწყო:
საქართველოს მთავრობამ დღეს, 4 თებერვალს შეზღუდვების ეტაპობრივი შემსუბუქება დაგეგმილზე ადრე დაიწყო:
- 8 თებერვლიდან – მთელი საქართველოს მასშტაბით
განახლდება მუნიციპალური ტრანსპორტის მუშაობა (ავტობუსები,
ე.წ სამარშრუტო ტაქსები).
- გაიხსნება ღია და დახურული ბაზრობები – გარდა
შაბათ-კვირისა.
- კვების ობიექტები ღია სივრცეებში სტუმრების
მიღებას შეძლებენ გარდა შაბათ-კვირისა.
- 15 თებერვლიდან ბავშვები სწავლას საკლასო ოთახებში განაგრძობენ მთელი საქართველოს მასშტაბით.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები