ახალი ამბები
შეხვედრას იმერეთის გუბერნატორი ზვიად შალამბერიძეც ესწრებოდა. თენგიზ ცერცვაძემ შეხვედრის დასრულების შემდეგ ქუთაისში არსებულ ეპიდვითარებაზე ისაუბრა და განაცხადა, რომ თბილისის შემდეგ, ქუთაისი კვლავ რჩება ვირუსის გავრცელების ცხელ წერტილად.
"გარდაცვალების მთავარი მიზეზი არის ის, რომ პაციენტებს ოჯახის წევრები დიდხანს ტოვებენ ბინაზე " - თენგიზ ცერცვაძე
17:56 / 13.01.2021
ინფექციური პათოლოგიისა და შიდსის
ცენტრის გენერალური დირექტორი, თენგიზ ცერცვაძე ქუთაისის კლინიკების
ხელმძღვანელებსა და წარმომადგენლებს შეხვდა.
შეხვედრას იმერეთის გუბერნატორი ზვიად შალამბერიძეც ესწრებოდა. თენგიზ ცერცვაძემ შეხვედრის დასრულების შემდეგ ქუთაისში არსებულ ეპიდვითარებაზე ისაუბრა და განაცხადა, რომ თბილისის შემდეგ, ქუთაისი კვლავ რჩება ვირუსის გავრცელების ცხელ წერტილად.
მისი თქმით, კლინიკების წარმომადგენლებთან
შეხვედრაზე მან ინფიცირებისა და გარდაცვალების სტატისტიკის შემცირების
კონკრეტულ ღონისძიებებზე ისაუბრა, მათ შორის არის მაღალი დონის
სასუნთქი აპარატების შეძენა, რომელიც ქალაქში არსებულ ყველა კლინიკას
არ აქვს.
თენგიზ ცერცვაძემ, ასევე ისაუბრა გარდაცვალების
მაჩვენებლებზეც და განაცხადა, რომ ამის მიზეზი უმეტეს შემთხვევაში
ინფიცირებული პაციენტის მიერ კლინიკისადმი დაგვიანებული
მიმართვაა.
"ეს გააშუქეთ ყველგან, პაციენტებს ოჯახის
წევრები ტოვებენ ბინაზე იქამდე, ვიდრე ის არ გახდება სარეანიმაციო.
სწორედ, ეს არის გარდაცვალების ყველაზე დიდი მიზეზი. ერთი თვის წინ თუ
ამას რამე გამართლება ჰქონდა, რომ საწოლები არ იყო, ოჯახის ექიმს ვერ
უკავშირდებოდნენ, ახლა ხომ მთლიანად მოხსნილია ეს საკითხი? ჩემი
რეკომენდაციაა, რომ როცა კოვიდ პაციენტი ჰყავთ ოჯახში, ნუ
დააყოვნებენ, მაშინვე დაუკავშირდნენ ექიმს და შემდეგ ექიმმა
გადაწყვიტოს დარჩეს პაციენტი ოჯახში თუ გადაიყვანონ კლინიკაში", -
განაცხადა თენგიზ ცერცვაძემ.
თენგიზ ცერცვაძემ ასევე ისაუბრა ვაქცინაციასა და
მესამე ტალღაზე. მისი თქმით, ვაქცინის ძირითადი ნაწილი ქვეყანაში,
სავარაუდოდ, მარტიდან შემოვა, ვაქცინაციის პირველი ეტაპი კი
თებერვლიდან, მხოლოდ სამედიცინო პერსონალისთვის დაიწყება.
ქუთაისში კოვიდ პაციენტებს 10 კლინიკა ემსახურება.
ქუთაისში კოვიდ პაციენტებს 10 კლინიკა ემსახურება.
მსგავსი სიახლეები
17:31 / 28.11.2024
„ძვირფასო სტუდენტებო, 1 დეკემბრიდან აღარ გასწავლით კავაფისს,
რიცოსს, იოანუს და ა.შ., რადგან ეს შესაძლოა "გაუკუღმართებული სექსის"
პროპაგანდად ჩაითვალოს. კლასიკური ფილოლოგიის კათედრა, სავარაუდოდ,
საერთოდაც მიიკეტება“, - თსუ-ს ლექტორი სოფიო შამანიდი წერდა.
15:39 / 28.11.2024
დატბორილი სახლები და ეზოები, დაზიანებული ინფრასტრუქტურა, გათიშული
ელექტროენერგია და შეზღუდული მოძრაობა გზებზე - ასეთია ორდღიანი
უხვი ნალექის შედეგები იმერეთის რეგიონში.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები