ახალი ამბები
"ქუთაისი საფრთხეშია" - პროტესტი ნამოხვან ჰესის წინააღმდეგ
11:43 / 23.06.2020
"ქუთაისი საფრთხეშია", არა ნამოხვან
ჰესს," - ამ მოწოდებებით ქუთაისში სამოქალაქო საზოგადოებისა და
პოლიტიკური პარტიების წარმომადგენლების გაერთიანებული აქცია
გაიმართა.
აქციის მონაწილეებმა ნამოხვანის ტერიტორიაზე 100
მეტრიანი კაშხლის სამშენებლო სამუშაოების განახლება გააპროტესტეს.
მათი თქმით, ჰესი მეწყრულ ზონაში შენდება, რომლის დაზიანების
შემთხვევაში ქუთაისს დატბორვის საფრთხე ემუქრება.
"ეს კონსტრუქცია მწყობრიდან რომ გამოვიდეს,
ზუსტად 19 წუთში ქუთაისს დაარტყამს 35 მეტრიანი ტალღა. თუ ადრე
საუბარი იყო ჰესის მიერ ეკოლოგიისთვის მიყენებულ ზიანზე, ახლა
საუბარია ქუთაისის ყოფნა - არ ყოფნაზე", - განაცხადა აქციის ერთ-ერთმა
ორგანიზატორმა, მაკა ხეცურიანმა.
"ნამოხვან ჰესი არის საშიში პროექტი და მისი
მშენებლობა არის დანაშაული. ხელისუფლებამ გვითხრას, რის
ფასად გვწირავს, რის ფასად წირავს ათასობით ადამიანის
სიცოცხლეს?!ნმოვუწოდებთ ქუთაისელებს, შეიგრძნონ ეს საფრთხე და
აიმაღლონ ხმა", - განაცხადა აქციის ორგანიზატორმა ხვიჩა
ვაშაყმაძემ.
აქციის მონაწილეები ხელისუფლებას მოუწოდებენ
შეაჩერონ ჰესის მშენებლობა.
რიონის ხეობაში 433 მეგავატი სიმძლავრის ჰესს
კომპანია „ქლინ ენერჯი გრუპი“ აშენებს. ნამახვანი ჰესის მშენებლობის
ნებართვა კომპანიამ 2015 წელს "საქართველოს ენერგეტიკის განვითარების
ფონდის" მიერ გამოცხადებულ ტენდერში გამარჯვების შედეგად
მოიპოვა.
პროექტის
მიხედვით, წყალტუბოსა და ცაგერის მუნიციპალიეტეტში, მდინარე რიონზე
მშენებარე ნამახვანისა და ტვიშის ჰესები წლიურად 1,514 გეგა ვატ.სთ
ენერგიას გამოიმუშავებენ, ხოლო ჰესებზე დადგმული სიმძლავრე ჯამურად
433 მეგა ვატს შეადგენს.
პროექტი 750
მილიონი დოლარის ღირებულებისაა. ინვესტიციის სანაცვლოდ, კომპანია
ჰესის ამოქმედების შემდეგ, ბიუჯეტში წლიურად 20 მილიონ ლარის შეტანის
პირობას დებს. კომპანიის ინფორმაციით, მშენებლობაზე, რომელიც სამ
წელზე მეტ ხანს გაგრძელდება, 3000-მდე ადამიანი
დასაქმდება.
„თემთა ერთობის“
წევრები ამბობენ, რომ კომპანიას არ აქვს გარემოზე ზემოქმედების
შეფასების (გზშ) განახლებული გეგმა. გაერთიანების წევრების თქმით,
კომპანია ვერ პასუხობს მათ კითხვებს დაგეგმილი მშენებლობის
საფრთხეებთან დაკავშირებით.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები