ახალი ამბები
ფოტო: დაცული ტერიტორიების სააგენტო
იმერეთის მღვიმეები 15 ივნისიდან იხსნება
10:10 / 14.06.2020
იმერეთში არსებული კარსტული
მღვიმეების – პრომეთესა და სათაფლიას დათვალიერება 15 ივნისიდან
შეგეძლებათ.
იმერეთის მღვიმეების დაცული
ტერიტორიების დირექტორი, ჯუმბერ ლელაძე ქუთაისიპოსტთან საუბარში
ამბობს, რომ მღვიმეების გასახსნელად ახალი რეგულაციების შესაბამისად
ემზადებიან.
"შესაბამისი
ტრენინგებიც გაიარეს თანამშრომლებმა. წელს, ალბათ, უფრო შიდა
ტურისტებზე ვიქნებით ორიენტირებული. ჯერჯერობით, პროგნოზის
გაკეთება რთულია, მაგრამ ჩვენ მზად ვართ და ვაკეთებთ ყველაფერს, რაც
ჩვენზეა ჩამოკიდებული", - ამბობს ჯუმბერ ლელაძე.
პრომეთესა და სათაფლიას მღვიმე
ვიზიტორებისთვის ღია 10:00- დან 19:00 საათამდე იქნება.
დაცული ტერიტორიების სააგენტო
დამთვალიერებლებს შენობებში და დახურულ სივრცეებში (მღვიმეებში)
პირბადის გაკეთებას ურჩევს. ვიზიტორთა ცენტრში ერთდროულად მხოლოდ 5
ვიზიტორი დაიშვება. მათ შორის დისტანცია უნდა იყოს 2 მეტრი. სააგენტო
ვიზიტორებს ურჩევს თანხა უკონტაქტო გზით (ბარათით) გადაიხადონ ან
ბილეთები დისტანციურად შეიძინონ.
დაცულ ტერიტორიებზე ვიზიტისას
ზოგადი რეკომენდაციებია:
▪თუ თავს ცუდად გრძნობთ, არ
შეხვიდეთ ტერიტორიაზე და დაუყოვნებლივ მიმართეთ ექიმს;
▪ მოერიდეთ ახლო კონტაქტს
ადამიანებთან, ვისაც აღენიშნება ცემინება და
ხველა;
▪ ხშირად დაიმუშავეთ ხელები
სპირტის შემცველი სადეზინფექციო საშუალებით მინიმუმ 20 წამის
განმავლობაში, ან თუ შესაძლებელია, დაიბანეთ ხელები საპნითა და
წყლით.
▪ მოერიდეთ პირზე, ცხვირსა
და თვალებზე ხელის შეხებას;
▪ ხველისა და ცემინებისას,
პირზე და ცხვირზე, აიფარეთ ერთჯერადი ხელსახოცი ან მოხრილი
იდაყვი;
▪გამოყენებული ხელსახოცი
დაუყოვნებლივ გადააგდეთ სანაგვე ყუთში და მაშინვე დაიმუშავეთ ხელები
სპირტის შემცველი ხსნარით, ან თუ შესაძლებელია, დაიბანეთ
საპნით.
ფოტო: დაცული ტერიტორიების სააგენტო
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები