ახალი ამბები
მკაცრი წესების მიუხედავად, აბიტურიენტებისთვის გამოცდის ხანგრძლივობა არ შემცირდება
13:20 / 12.06.2020
კორონავირუსის გამო, საგამოცდო
ცენტრებში დაწესებული მკაცრი რეგულაციების მიუხედავად,
აბიტურიენტებისთვის გამოცდების ხანგრძლივობა არ შემცირდება. უცვლელი
რჩება გამსვლელი ქულების მინიმალური ზღვარიც.
'' ბარიერთან
დაკავშირებით ცვლილებები არ იგეგმება, ყველა საგანშიც დრო იგივე
იქნება, რაც ადრე იყო''-, აცხადებენ შეფასებისა და გამოცდების ეროვნულ
ცენტრში.
გამოცდის მიმდინარეობის დროს კონდენცირების
არარსებობისა და პირბადის ტარების ვალდებულების პირობებში,
აბიტურიენტების ნაწილს გარკვეული შეღავათების მოლოდინი ჰქონდათ.
მარიამ ხარებაშვილი, რომელიც წელს ეროვნული გამოცდების ჩასაბარებლად
ემზადება, ამბობს, რომ შეცვლილ გარემოში მუშაობა ბევრ აბიტურიენტს
გაუჭირდება.
'' რამდენიმე საათი უნდა გეკეთოს პირბადე, არც
კონდენციონერი იქნება, ყველაფერი ეს იმოქმედებს აბიტურიენტზე. იმედი
გვქონდა, დროს მაინც შეამცირებდნენ ან ბარიერს დაწევდნენ''-, ამბობს
მარიამი.
კორონავირუსის გამო, ჯანდაცვის სამინისტრო,
დაავადებათა კონტროლის ეროვნულ ცენტრთან ერთად, აბიტურიენტებს
გამოცდის მიმდინარეობის დროს პირბადის ტარებას ავალდებულებს.
ნიღბის მოხსნის შემთხვევაში, გამოსაცდელი პირი მიიღებს
გაფრთხილებას, ხოლო განმეორების შემთხვევაში, გამოცდიდან მოიხსნება.
გამოცდის პროცესში არ იქნება ჩართული კონდენცირების სისტემა.
საგამოცდო ცენტრები გამოცდის დაწყებამდე და შუალედებში გაგრილდება,
ხოლო, გამოცდის მიმდინარეობის დროს, ოთახების გაგრილება ღია ფანჯრების
საშუალებით მოხდება.
აბიტურიენტებს, რომლებსაც გამოცდაზე ტემპერატურა
დაუფიქსირდებთ, უნდა წარმოადგინონ კორონავირუსზე ჩატარებული ტესტის
უარყოფითი პასუხი. გამოცდამდე რამდენიმე დღით ადრე, ყველა აბიტურიენტს
პისიარ ტესტი უფასოდ ჩაუტარდება.
გამოცდის მინიმალური ხანგრძლივობა არის უცხო
ენაში 2 საათი და 30 წუთი, ხოლო, მაქსიმალური - ლიტერატურაში - 4
საათი. ერთიანი ეროვნული
გამოცდები 6 ივლისს, ქართული ენისა და ლიტერატურის გამოცდით დაიწყება.
ბოლო გამოცდას აბიტურიენტები 25 ივლისს, სამოქალაქო განათლებაში
ჩააბარებენ.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები