ახალი ამბები
მეშახტეებმა აქცია შეწყვიტეს, თუმცა, შახტში ჩასვლაზე ისევ უარს ამბობენ და ეკონომიკის სამინისტროს დაქვემდებარებულ ტექნიკური და სამშენებლო ზედამხედველობის სააგენტოს საექსპერტო ჯგუფის დასკვნას ელოდებიან.
რა შემთხვევაში განაახლებენ მუშაობას ტყიბულელი მეშახტეები
11:07 / 12.06.2020
ტყიბულის მინდელისა და ძიძიგურის
შახტში დასაქმებულების პროტესტი გრძელდება.
მეშახტეებმა აქცია შეწყვიტეს, თუმცა, შახტში ჩასვლაზე ისევ უარს ამბობენ და ეკონომიკის სამინისტროს დაქვემდებარებულ ტექნიკური და სამშენებლო ზედამხედველობის სააგენტოს საექსპერტო ჯგუფის დასკვნას ელოდებიან.
მეშახტეების თქმით, სამინისტროს წარმომადგენლები
შახტის უსაფრთხოებას უკვე იკვლევენ, შედეგებს კი 16 ივნისს დადებენ,
რის შემდეგაც გადაწყვეტენ, გააგრძელებენ თუ არა მუშაობას. კვლავ
გაურკვეველია საშემოსავლო გადასახადზე დაწესებული შეღავათის დარიცხვის
საკითხი.
"შახტის უსაფრთხოებასთან დაკავშირებით დასკვნის
დადებამდე, მუშაობას არ განვაახლებთ, რაც შეეხება საშემოსავლოს 20%
-ის ხელფასებზე დარიცვხვას, ეს საკითხი ისევ გაურკვეველია", - ამბობს
ერთ-ერთი მეშახტე ზაქრო ილურიძე.
საშემოსავლო გადასახადზე მთავრობის მიერ
დაწესებული შეღავათის ხელფასზე დარიცხვა, მეშახტეების ერთ-ერთი
მოთხოვნაა. მათი თქმით, კომპანია აღნიშნულ თანხას იმ მოტივით არ
ურიცხავთ, რომ კორონავირუსის დროს შახტმა ფინანსური ზარალი განიცადა.
თუმცა, აღსანიშნავია, რომ პანდემიის დროს დაწესებული მკაცრი
შეზღუდვების დროსაც კი, ტყიბულის შახტში საწარმოო პროცესი არ
შეწყვეტილა და მეშახტეები ჩვეულ რეჟიმში აგრძელებდნენ
მუშაობას.
მთავრობის მიერ დაწესებული შეღავათის მიღება,
მეშახტეებმა, 10 ივნისს გამართული აქციის შემდეგ,
კომპანიის დირექტორთან, მიხეილ სოცკისთან შეხვედრაზეც მოითხოვეს,
თუმცა, სამსაათიანი მოლაპარაკება შეთანხმების გარეშე დასრულდა.
მეშახტეებმა მხოლოდ ტექნიკური და სამშენებლო
ზედამხედველობის სააგენტოს ჯგუფის ადგილზე ჩასვლის დაპირება
მიიღეს.
ტყიბულში,
ძიძიგურისა და მინდელის სახელობის შახტის თანამშრომლები
10 ივნისს გაიფიცნენ.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები