ახალი ამბები
"ჩვენი პოზიცია საპროექტო მონაკვეთში, ესკიზში წარმოდგენილი ფუნქციის მქონე ობიექტის გაჩენის თაობაზე მისაღები იქნება, თუკი შენობაში განთავსდება თემატური კაფე'' - ნათქვმია დოკუმენტში.
ისტორიულ კედელთან, რომელშიც კარი გამოჭრეს, კაფე შენდება
15:15 / 06.06.2020
ქუთაისში, ე.წ მონპლაზირის ტერიტორიაზე ისტორიულ კედელთან კაფე შენდება.
ქუთაისიპოსტმა გაარკვია, რომ
მშენებლობაზე ნებართვა გაცემული აქვს როგორც ქუთაისის მერიას, ასევე,
კულტურული მემკვიდრეობის სააგენტოს. ჩვენს მიერ მოპოვებული
დოკუმენტების მიხედვით, კაფეს მშენებლობაზე მერიის ააიპ "არქიტექტურის
სამსახური" იმ პირობით აცხადებს თანხმობას, თუ ადგილზე თემატური კაფე
მოეწყობა, თუმცა, რა იგულისხმება ამაში, დოკუმენტში განმარტებული არ
არის.
"ჩვენი პოზიცია საპროექტო მონაკვეთში, ესკიზში წარმოდგენილი ფუნქციის მქონე ობიექტის გაჩენის თაობაზე მისაღები იქნება, თუკი შენობაში განთავსდება თემატური კაფე'' - ნათქვმია დოკუმენტში.
რაც შეეხება კულტურული მემკვიდრეობის სააგენტოს,
მის მიერ 2020 წლის 30 იანვარს გაცემულ ნებართვაში, კაფე
საერთოდ არ არის ნახსენები. დოკუმენტში საუბარია მხოლოდ ავტოსადგომის
მცირე სარეაბილიტაციო სამუშაოებზე.
დოკუმენტში
ვკითხულობთ:
"ქალაქ ქუთაისში, ცისფერყანწელთა ქ. Nო7-ში,
მოქალაქე ლიანა ზვიადაძის საკუთრებაში არსებული
ავტოსადგომის (ს.კ. Nო
03.03.21.299.01/500, შენობა Nო 3) მცირე სარეაბილიტაციო
სამუშაოები
ჩრდილოეთის მხრიდან
მოსაზღვრე კედელში შესასვლელი ღიობის მოწყობა".
რისი მოწყობა იგეგმება ისტორიულ კედელთან,
ამაზე არ საუბრობს ავტოფარეხის მეპატრონე.
"არაფერი არ შენდება. არაფერი არ იგეგმება.
იქნება მხოლოდ ეს კარი, წინ არ გამოვწევთ არაფერს. რემონტს დავიწყებთ
ახლა, გავალამაზებთ. ყველაფერი შეთანხმებული გვაქვს კულტურის და
ძეგლთა დაცვის სამინისტროსთან. ზუსტად იმ ზომებშია, რაზეც მოგვცეს
ნებართვა. აბა ისე ვინ გაბედავდა ამის გაკეთებას",-ამბობს ნინო
ზვიადაძე.
კითხვებზე არ გვპასუხობენ არც ქუთაისის მერიაში.
კითხვებზე არ გვპასუხობენ არც ქუთაისის მერიაში.
მონპლაზირის ტერიტორიაზე, ვიდრე 9 აპრილის
მემორიალს დადგამდნენ, წლების განმავლობაში მოქალაქეები სანთლებს
აღნიშნულ კედელზე ამაგრებდნენ. მოგვიანებით იქ მემორიალი დაიდგა,
თუმცა, რამდენიმე წლის შემდეგ ცენტრალურ ბაღში გადაიტანეს. კედელზე კი
პროექტის "მოხატე ქალაქი დედაენით''ფარგლებში სტენსილი
განთავსდა.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები