ახალი ამბები
ამვე თემაზე:
რას ჰყვებიან სოციალურ საცხოვრისში, სადაც პოლიცია და მობინადრეები ერთმანეთს დაუპირისპირდნენ
ქუთაისის სოციალურ საცხოვრისში პოლიციელებთან მომხდარ ჩხუბში მონაწილე პირი დააკავეს
14:18 / 02.06.2020
პოლიციამ ქუთაისის სოციალური
საცხოვრისში, სამართალდამცავებსა და კორპუსის მცხოვრებლებს შორის
მომხდარ დაპირისპირებაში მონაწილე პირი
დააკავა.
დაკავებულს პოლიციელების მიმართ სიტყვიერი
და ფიზიკური შეურაცხყოფა ედება ბრალად.
გამოძიების ინფორმაციით,
სამართალდამცავებმა, რომლებიც კომენდანტის საათის დროს
შემოვლას ახორციელებდნენ, ნიკეას ქუჩაზე მდებარე ერთ-ერთ საცხოვრებელ
კორპუსთან, ამავე კორპუსში მცხოვრები მ.ჯ. შენიშნეს, რომელიც
კომენდანტის საათს არღვევდა. პოლიციის თანამშრომლებმა იგი გააფრთხილეს
და წესრიგის დაცვისკენ მოუწოდეს, თუმცა დაკავებული არ დაემორჩილა და
სამართალდამცველებს სიტყვიერი და ფიზიკური შეურაცხყოფა მიაყენა.
ინციდენტში ჩაერთნენ მ.ჯ.-ს ოჯახის წევრები და მეზობლები, რომელთა
დახმარებით ბრალდებულმა მიმალვა მოახერხა. მომხდარი ინციდენტის
შედეგად, პოლიციელებმა სხეულზე სხვადასხვა სახის დაზიანებები
მიიღეს. დაკავებული ამ დრომდე მიმალვაში
იმყოფებოდა.
ქუთაისის სოციალური საცხოვრისის მობინადრეებსა
და პოლიციის თანამშრომლებს შორის ფიზიკური დაპირისპირება 18 მაისს
მოხდა. ინცინდენტში მონაწილე პირები აცხადებდნენ, რომ მათი მეზობლის
დაკავების მომენტში, კომენდანტის საათი დაწყებული არ იყო.
ადგილობრივები სამართალმდაცველებს აგრესიულ ქმედებაში
ადანაშაულებდნენ. ფიზიკური შეხლა-შემოხლის შემდეგ სხეულზე დაზიანებები
აღენიშნებოდათ კორპუსის მცხოვრებლებსაც.
მომხდარზე გამოძიება სსკ-ის 353-ე მუხლის
პირველი ნაწილით მიმიდინარეობს, რაც საზოგადოებრივი წესრიგის
დაცვისათვის ხელის შეშლის მიზნით პოლიციელის მიმართ განხორციელებულ
ძალადობასა და წინააღმდეგობის გაწევას გულისხმობს.
დანაშაული 2-დან 5 წლამდე ვადით
თავისუფლების აღკვეთას ითვალისწინებს. ბრალდებული წარსულში
მრავალჯერ ნასამართლევია.
ამვე თემაზე:
რას ჰყვებიან სოციალურ საცხოვრისში, სადაც პოლიცია და მობინადრეები ერთმანეთს დაუპირისპირდნენ
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები