ქუთაისში, ავტოქარხნის დასახლებაში მცხოვრებლები მდინარე ოღასკურის ნაპირზე არსებულ ანტისანიტარიას უჩივიან.
ადგილობრივების თქმით, დაბინძურებული მდინარის ნაპირი მოსახლეობის ჯანმრთელობას საფრთხეს უქმნის.
,,მდინარე რომ ადიდდება, რაც მასში ნაგავია ჩაყრილი, ყველაფერი ნაპირზე რჩება. საშინელი სიბინძურეა. ოღასკურაზე საკანალიზაციო მილებია მიერთებული. ისეთი ანტისანიტარიია,ბიჭები რომ თევზაობენ, იქედან ამოყვანილ თევზსაც კი ვერ ვჭამთ," - ამბობენ ხარებავას ქუჩაზე მცხოვრებლები.
,,პრობლემა ძალიან მალე მოგვარდება. რაც შეეხება მდინარეში ჩაყრილ ნაგავს, მოსახლეობას ვთხოვთ, გამოიჩინონ მეტი სამოქალაქო კულტურა და ნუ აქცევენ მდინარის ხეობას ნაგავსაყრელად’’- ამბობენ ააიპ ,,სპეციალურ სერვისებში’’.
მასალის გამოყენების პირობები