თვითნებური საპირფარეშო და ანტისანიტარია გელათის მონასტერთან (ვიდეო)
16:49 / 19.09.2019
ანტისანიტარია და მოუწესრიგებელი
გზა - ასეთი სურათი ხვდებათ გელათის მონასტერთან მისულ
ვიზიტორებს.
მოუწესრიგებელი ინფრასტრუქტურის გარდა, იმის გამო, რომ ვიზიტორთა
ცენტრი დაკეტილია, ტერიტორიაზე საშინელი სუნი დგას. ადგილზე
თვითნებური საპირფარეშოა მოწყობილი.
გელათის სამონასტრო კომპლექსთან
შექმნილი მდგომარეობის გამო ქუთაისიპოსტი საქართველოს კულტურული
მემკვიდრეობის დაცვის ეროვნულ სააგენტოს დაუკავშირდა, სადაც გვითხრეს,
რომ საკითხის მოწესრიგება მათ კომპეტენციაში არ შედის და
საპატრიარქოში გადაგვამისამართეს. თავის მხრივ, საპატრიარქოში
განგვიცხადეს, რომ პრობლემა მათ არ ეხებათ და გვითხრეს, რომ
მუნიციპალიტეტისთვის მიგვემართა. ქუთაისის მერიამ
ტყიბულის მერიასთან გადაგვამისამართა. ტყიბულის მერიაში
გვითხრეს, რომ ვიზიტორთა ცენტრი, რომელიც მუნიციპალური განვითარების
ფონდმა, დაახლოებით, ხუთი წლის წინ ააშენა, მათთვის გადმოცემული არ
არის და შესაბამისად, ვერ განკარგავენ. ტყიბულის მერიის
ინფრასტრუქტურის განვითარების სამსახურის უფროსი, ზაზა ზოსიაშვილი
განმარტავს, რომ ვიზიტორთა ცენტრში და მიმდებარე ტერიტორიაზე შექმნილ
მდგომარეობაზე მუნიციპალური განვითარების ფონდს უნდა მივმართოთ.
"ჩვენ, ჩვენი მხრიდან რაც გვევალება ვასუფთავებთ, კვირაში ორჯერ ხდება
ნაგვის ბუნკერის გასუფთავება. დანარჩენი მუნიციპალური განვითარების
ფონდს ეკუთვნის", - ამბობს ზაზა ზოსიაშვილი.
მუნიციპალური განვითარების ფონდში აცხადებენ, რომ გელათის მონასტრის
ირგვლივ ინფრასტრუქტურის მოწყობაზე მეორე ტენდერი გამოცხადდა და საყრდენი კედლებისა და
გზის მოწესრიგება წლის ბოლომდე იგეგმება.
არჩევნების ოფიციალური შედეგების გამოქვეყნებიდან ზუსტად მე-10 დღეს,
25 ნოემბერს, პარლამენტს, ნდობის გამოსაცხადებლად, მთავრობის ახალი
შემადგენლობა წარედგინება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები