ახალი ამბები
კომპანიის იმერეთის რეგიონული ოფისის მთავარი სპეციალისტის, ალექსანდრე გაბრიჭიძის განმარტებით, ოთხსართულიან კორპუში, სადაც 40 ოჯახი ცხოვრობს, ყველა ბინის ტექნიკური დათვალიერება ვერ მოხდა. მათ შორის იმ ბინის, სადაც ტრაგედია დატრიალდა, რადგან ის დაკეტილი იყო.
"ჩვენთვის უცნობი იყო წყლის გამათბობლის არსებობა. თუ კარები ჩაკეტილია, შიგნით შესვლას ვერ ვახერხებთ", - ამბობს კომპანიის წარმომადგენელი, ალექსანდრე გაბრიჭიძე. მისი ინფორმაციით, აღმოჩნდა რომ მომხმარებელს ბინაში წყალგამაცხელებელი ტექნიკური ნორმების დარღვევით ჰქონდა დამონტაჟებული.
"სავარაუდოდ, წყლის სისტემაც მოუწესრიგებელი იყო, რასაც უფრო ზუსტად ექსპერტიზა დაადგენს. ვფიქრობთ, რომ ინტოქსიკაცია ტექნიკური ნორმების დარღევით დამონტაჟებულმა წყალგამაცხელებელმა გამოიწვია", - ამბობს ალექსანდრე გაბრიჭიძე.
ზემოთაღნიშნული კორპუსის მორიგი გეგმიური შემოწმება, 30 ოქტომბერს არის დაგეგმილი. კომპანიაში განმარტავენ, რომ ისინი არაგეგმიურ შემოწმებასაც ასრულებენ, განსაკუთრებით შემოდგომა-ზამთრის სეზონზე.
"სოკარ ჯორჯია გაზის" იმერეთის რეგიონული ოფისის მთავარი სპეციალისტი განმარტავს, რომ იმ შემთხვევაში თუ მომხმარებელმა დააყენა ახალი ხელსაწყო, უფლება აქვს მივიდეს გაზის მეურნეობასთან და ჰკითხოს, რამდენად გამართულად და უსაფრთხოდ არის ის დამონტაჟებული. კომპანიაში აცხადებენ, რომ ეს მომსახურება სრულიად უსასყიდლოა და ხელშეკრულებით გათვალისწინებული ვალდებულებაც არის.
"სავარაუდოდ, არ აქვთ ინფორმაცია ამაზე ან არ ახორციელებენ. მეორე პრობლემა ისაა, რომ ვისაც უნდა იმას ამონტაჟებინებენ. ჩვენთან ეს თანხაში არ არის გაწერილი. უბრალოდ, შეიძლება იმ დღეს ვერ მივიდეს კომპანიის წარმომადგენელი და მივიდეს ორი დღის მერე. რაღაც მენტალიტეტი და მიდგომა თუ არ შეიცვალა, ჩვენ მარტო ვერაფერს გავხდებით. გათამამება გაზთან არ შეიძლება", - ამბობს ალექსანდრე გაბრიჭიძე.
"სოკარ ჯორჯია გაზს" იმერეთში 150 000 აბონენტი ჰყავს. ზესტაფონში მომხდარი ტრაგედიის მეორე დღეს, 17 სექტემბერს, სამხარეო ადმინისტრაციაში იმერეთის გუბერნატორის მიერ საგანგებოდ მოწვეულ შეხვედრაზე მიიღეს გადაწყვეტილება, რომლის მიხედვითაც, იმერეთში ყველა დაკეტილი ბინის აღწერა და მათი ტექნიკური დათვალიერება მოხდება. ბინებს მუნიციპალიტეტის მერია და "სოკარი" ერთობლივად შეამოწმებენ.
იმერეთში სახელმწიფო რწმუნებულის, ზვიად შალამბერიძის თქმით, მთავარ პრობლემად გამოიკვეთა ის, რომ, ძირითადად, უბედური შემთხვევის ფაქტები ხდება ისეთ სახლებში, რომლებიც არის გაქირავებული და დაკეტილი. გუბერნატორის თქმით, აუცილებელია ყველა გაზიფიცირებული ზონის არამხოლოდ გეგმიური გადამოწმება, არამედ, "სოკარ ჯორჯია გაზის" წარმომადგენლების მიერ ყველა დაკეტილი ბინის აღრიცხვა-კონტროლი.
"ამ შემთხვევაში "სოკარი" ვერ ახერხებს ბინაში შესვლას, რომ ფიზიკურად აღწეროს მდგომარეობა. ამიტომ, ყველა გამგეობა ჩაერთვება ამ პროცესში, რათა მდგომარეობა შეიცვალოს. დღესვე შეხვდებიან ისინი ყველა ამხანაგობის წარმომადგენელს და ერთობლივად დავგეგმავთ გასვლებს კორპუსებში და ბინების აღწერას. რამდენიმე დღეში გვექნება სრული სურათი, თუ რა ხდება იმერეთში, სად გვაქვს ძირითადი რისკის კერები და სად რა მიმართულებით უნდა ვიმუშაოთ", - ამბობს ზვიად შალამბერიძე.
16 სექტემბერს, დედის და ორი მცირეწლოვნის გარდაცვალება ზესტაფონში საცხოვრებელ კორპუსში, ბუნებრივი აირის ნამწვის დაგროვებამ გამოიწვია. დედა 24 წლის იყო, ხოლო შვილები - ორი და ოთხი წლის.
ისინი ზესტაფონში ოთხსართულიანი კორპუსის მეორე სართულზე საცხოვრებლად ორი კვირის წინ გადავიდნენ. მეზობლების თქმით, დედა, ორ მცირეწლოვან შვილთან ერთად ერთოთახიან ბინაში ქირით ცხოვრობდა.
მომხდარზე გამოძიება სსკ-ის 240-ეპრიმა მუხლით მიმდინარეობს, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც მოჰყვა ორი ან მეტი ადამიანის სიცოცხლის მოსპობა.
რა გახდა ზესტაფონში დედის და ორი მცირეწლოვნის გარდაცვალების მიზეზი - "სოკარის" განმარტება
13:09 / 17.09.2019
ზესტაფონში, ბიბილაშვილის ქუჩაზე
საცხოვრებელი კორპუსი, სადაც ბუნებრივი აირის ნამწვის დაგროვების
შედეგად დედა და ორი მცირეწლოვანი შვილი გარდაიცვალა, "სოკარ ჯორჯია გაზის" მიერ ბოლოს,
არაგეგმიურად, მიმდინარე წლის ოთხ აპრილს შემოწმდა.
კომპანიის იმერეთის რეგიონული ოფისის მთავარი სპეციალისტის, ალექსანდრე გაბრიჭიძის განმარტებით, ოთხსართულიან კორპუში, სადაც 40 ოჯახი ცხოვრობს, ყველა ბინის ტექნიკური დათვალიერება ვერ მოხდა. მათ შორის იმ ბინის, სადაც ტრაგედია დატრიალდა, რადგან ის დაკეტილი იყო.
"ჩვენთვის უცნობი იყო წყლის გამათბობლის არსებობა. თუ კარები ჩაკეტილია, შიგნით შესვლას ვერ ვახერხებთ", - ამბობს კომპანიის წარმომადგენელი, ალექსანდრე გაბრიჭიძე. მისი ინფორმაციით, აღმოჩნდა რომ მომხმარებელს ბინაში წყალგამაცხელებელი ტექნიკური ნორმების დარღვევით ჰქონდა დამონტაჟებული.
"სავარაუდოდ, წყლის სისტემაც მოუწესრიგებელი იყო, რასაც უფრო ზუსტად ექსპერტიზა დაადგენს. ვფიქრობთ, რომ ინტოქსიკაცია ტექნიკური ნორმების დარღევით დამონტაჟებულმა წყალგამაცხელებელმა გამოიწვია", - ამბობს ალექსანდრე გაბრიჭიძე.
ზემოთაღნიშნული კორპუსის მორიგი გეგმიური შემოწმება, 30 ოქტომბერს არის დაგეგმილი. კომპანიაში განმარტავენ, რომ ისინი არაგეგმიურ შემოწმებასაც ასრულებენ, განსაკუთრებით შემოდგომა-ზამთრის სეზონზე.
"სოკარ ჯორჯია გაზის" იმერეთის რეგიონული ოფისის მთავარი სპეციალისტი განმარტავს, რომ იმ შემთხვევაში თუ მომხმარებელმა დააყენა ახალი ხელსაწყო, უფლება აქვს მივიდეს გაზის მეურნეობასთან და ჰკითხოს, რამდენად გამართულად და უსაფრთხოდ არის ის დამონტაჟებული. კომპანიაში აცხადებენ, რომ ეს მომსახურება სრულიად უსასყიდლოა და ხელშეკრულებით გათვალისწინებული ვალდებულებაც არის.
"სავარაუდოდ, არ აქვთ ინფორმაცია ამაზე ან არ ახორციელებენ. მეორე პრობლემა ისაა, რომ ვისაც უნდა იმას ამონტაჟებინებენ. ჩვენთან ეს თანხაში არ არის გაწერილი. უბრალოდ, შეიძლება იმ დღეს ვერ მივიდეს კომპანიის წარმომადგენელი და მივიდეს ორი დღის მერე. რაღაც მენტალიტეტი და მიდგომა თუ არ შეიცვალა, ჩვენ მარტო ვერაფერს გავხდებით. გათამამება გაზთან არ შეიძლება", - ამბობს ალექსანდრე გაბრიჭიძე.
"სოკარ ჯორჯია გაზს" იმერეთში 150 000 აბონენტი ჰყავს. ზესტაფონში მომხდარი ტრაგედიის მეორე დღეს, 17 სექტემბერს, სამხარეო ადმინისტრაციაში იმერეთის გუბერნატორის მიერ საგანგებოდ მოწვეულ შეხვედრაზე მიიღეს გადაწყვეტილება, რომლის მიხედვითაც, იმერეთში ყველა დაკეტილი ბინის აღწერა და მათი ტექნიკური დათვალიერება მოხდება. ბინებს მუნიციპალიტეტის მერია და "სოკარი" ერთობლივად შეამოწმებენ.
იმერეთში სახელმწიფო რწმუნებულის, ზვიად შალამბერიძის თქმით, მთავარ პრობლემად გამოიკვეთა ის, რომ, ძირითადად, უბედური შემთხვევის ფაქტები ხდება ისეთ სახლებში, რომლებიც არის გაქირავებული და დაკეტილი. გუბერნატორის თქმით, აუცილებელია ყველა გაზიფიცირებული ზონის არამხოლოდ გეგმიური გადამოწმება, არამედ, "სოკარ ჯორჯია გაზის" წარმომადგენლების მიერ ყველა დაკეტილი ბინის აღრიცხვა-კონტროლი.
"ამ შემთხვევაში "სოკარი" ვერ ახერხებს ბინაში შესვლას, რომ ფიზიკურად აღწეროს მდგომარეობა. ამიტომ, ყველა გამგეობა ჩაერთვება ამ პროცესში, რათა მდგომარეობა შეიცვალოს. დღესვე შეხვდებიან ისინი ყველა ამხანაგობის წარმომადგენელს და ერთობლივად დავგეგმავთ გასვლებს კორპუსებში და ბინების აღწერას. რამდენიმე დღეში გვექნება სრული სურათი, თუ რა ხდება იმერეთში, სად გვაქვს ძირითადი რისკის კერები და სად რა მიმართულებით უნდა ვიმუშაოთ", - ამბობს ზვიად შალამბერიძე.
16 სექტემბერს, დედის და ორი მცირეწლოვნის გარდაცვალება ზესტაფონში საცხოვრებელ კორპუსში, ბუნებრივი აირის ნამწვის დაგროვებამ გამოიწვია. დედა 24 წლის იყო, ხოლო შვილები - ორი და ოთხი წლის.
ისინი ზესტაფონში ოთხსართულიანი კორპუსის მეორე სართულზე საცხოვრებლად ორი კვირის წინ გადავიდნენ. მეზობლების თქმით, დედა, ორ მცირეწლოვან შვილთან ერთად ერთოთახიან ბინაში ქირით ცხოვრობდა.
მომხდარზე გამოძიება სსკ-ის 240-ეპრიმა მუხლით მიმდინარეობს, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც მოჰყვა ორი ან მეტი ადამიანის სიცოცხლის მოსპობა.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები