სამოქალაქო საზოგადოებისა და არასამთავრობო ორგანიზაციების წარმომადგენლები ითხოვენ, შეუწყდეს უფლებამოსილება ქუთაისის საკრებულოს უმრავლესობის დეპუტატს ნანა კოსტავას.
ვთვლი, რომ მსგავსი, მოსაზრებები
და სიძულვილის ენით საუბარი მიუღებელია საჯარო მოხელის მხრიდან და
დაუყოვნებლივ უნდა ჩამოშორდეს სახელმწიფო უწყებას" - აღნიშნულია
პეტიციაში, რომლის ადრესატი საქართველოს
მთავრობაა.
თავის მხრივ, დეპუტატი ნანა კოსტავა აცხადებს, რომ უფლებამოსილების შეწყვეტას არ აპირებს. "რადგან მართალი ვარ ჩემი ქვეყნის, ჩემი ხალხის და სალომე ბარკერის წინაშე. ეს იყო უბრალოდ იმის დანაშაული, რომ ინფორმაციას არ ვფლობდი ბოლომდე (ტრაგედიის შესახებ რედ.) მე თვითონ, ჩემით არაფერს არ დავწერ და თქვენ, რაც გინდათ ის გააკეთეთ, გინდა იმპიჩმენტი და რაც გინდათ ის", – განაცხადა ნანა კოსტავამ.
ნანა კოსტავას მიერ სიძულვილის შემცველ განცხადებები დაგმეს ჟურნალისტებმაც. ქუთაისში მოქმედმა მედიასაშუალებებლა დეპუტატს ბოიკოტი გამოუცხადეს.
მოგვიანებით განცხადება გაავრცელა ქუთაისის მერმაც, სადაც ნათქვამია, რომ "მე პირადად და ასევე ჩვენი გუნდი ვგმობთ და ვემიჯნებით ამ დამოკიდებულებას, რომელიც აბსოლუტურად მიუღებელია".
საკრებულოს თავმჯდომარის თქმით, გუნდში უკვე დაწყებულია მსჯელობა ნანა კოსტავას საკითხზე და საზოგადოება ინფორმაციას უახლოეს საათებში, დღეებში მიიღებს.
მასალის გამოყენების პირობები