ქუთაისიპოსტი

"ჯი-პი-ეს სისტემების სამონტაჟო სამუშაოები უნდა განხორციელდეს  230 სატრანსპორტო საშუალებაზე".

ქუთაისის მერიამ საქალაქო ტრანსპორტის მუშაობის მაჩვენებლების ყოველდღიური აღრიცხვა-ანალიზის და მათზე კონტროლის მიზნით, ჯი-პი-ეს სანავიგაციო მომსახურებისთვის ელექტრონული ტენდერი გამოაცხადა. 296`125 ლარის ღირებულების ტენდერი მერიამ მიმდინარე წლის 31 ივლისს გამოაცხადა. წინანდების მიღება 16 აგვისტოს დაიწყება და 21 აგვისტომდე გაგრძელდება.
სატენდერი პირობების მიხედვით, ტენდერში გამარჯვებული კომპანია ვალდებულია, უზრუნველყოს  მონტაჟი ადგილობრივი საქალაქო რეგულარული სამგზავრო გადაყვანის M2 კატეგორიის ავტოსატრანსპორტო საშუალებების მუშაობის მაჩვენებლების ყოველდღიური აღრიცხვა-ანალიზის, რეგულირებისა და მათზე კონტროლის მიზნით, ავტოსატრანსპორტო საშუალებებისათვის ჯი-პი-ეს სანავიგაციო მომსახურება 2015 წლის 15 სექტემბრიდან 2019 წლის 31 დეკემბრის ჩათვლით.
ამის გარდა, მიმწოდებლი ვალდებულია "უზრუნველყოს 96 სატრანსპორტო საშუალებაზე ჯი-პი-ეს  სისტემების პირველადი სამონტაჟო სამუშაოების შერულება ხელშეკრულების დადებიდან 15 კალენდარული დღის განმავლობაში, ხოლო შემდგომი მიწოდება განხორციელდეს ეტაპობრივად, "შემსყიდველი"-ს მიერ გადაცემული სატრანსპორტო საშუალების რაოდენობების მიხედვით (134 სატრანსპორტო საშუალება), ყოველი გადაცემიდან არაუგვიანეს 15 კალენდარული დღისა. ჯი-პი-ეს სისტემების სამონტაჟო სამუშაოები უნდა განხორციელდეს სულ 230 სატრანსპორტო საშუალებაზე", - ნათქვამია სატენდერო დოკუმენტაციაში. ასევე, ტენდერში გამარჯვებულმა ორგანიზაციამ უნდა უზრუნველყოს ჯი-პი-ეს მოწყობილობების უსასყიდლოდ მონტაჟი და დემონტაჟი "შემსყიდველი"-ს მიერ მითითებულ სატრანსპორტო საშუალებებზე.
ადგილობრივ თვითმმრთველობაში განმარტავენ, რომ აღნიშნული სისტემა ხელს შეუწყობს ტრანსპორტის კონტროლს.
"ასევე, ეს ხელს შეუწყობს გრაფიკების კონტროლს. პირველ ეტაპზე, რამდენიმე ათეული ტრანსპორტი იქნება გადაყვანილი ჯი-პი-ეს კონტროლის სისტემაზე სექტემბრისთვის, ხოლო 2016 წლისთვის ყველა საქალაქო ტრანსპორტი გადავა", - განმარტავს ქავთარაძე.

თეკლე მორგოშია