საზოგადოება
96 წლის ქუთაისელი ვეტერანის სიხარულის სევდა (ვიდეო)
10:58 / 09.05.2020
2020 წლის 9 მაისს პირველად, 75 წლის
განმავლობაში, ვეტერანები, მათი ოჯახის წევრები, შთამომავლები რჩებიან
სახლში.
კორონავირუსის მსოფლიო პანდემიის გამო,
საზოგადოება არ იკრიბება მეორე მსოფლიო ომში დაღუპულთა მემორიალთან
მათი ხსოვნის პატივსაცემად და ფაშიზმზე გამარჯვების
აღსანიშნად. ჭიჭიკო კლდიაშვილიც დღეს დარჩა სახლში და
გამარჯვების თავისი ისტორია "ქუთაისიპოსტს" გაუზიარა.
75 წლის
შემდეგაც ომის მოგონებები მოხუცის ძლიერ ემოციას იწვევს. ქუთაისში
მცხოვრები 96 წლის ჭიჭიკო კლდიაშვილი ჰყვება, რომ გამარჯვების
სიხარულს თანამებრძოლების დაკარგვის სევდა ანელებს.
ომში 17 წლის წაიყვანეს. ზუსტად ახსოვს ის დღე, 1942 წლის 12 აგვისტო,
როცა ახალგაზრდა, მეოცნებე ბიჭი, ძლიერი და სასტიკი მტრის წინაშე
აღმოჩნდა. დღეს მკერდს უამრავი მედალი და ორდენი უმშვენებს, თუმცა
მათგან ორი განსაკუთრებით ეამაყება– პირველი ხარისხის ორდენი
გამარჯვებისთვის და მეორე ხარისხის მედალი მამაცობისთვის. ომიდან
დაბრუნებული, ელექტრომექანიკოსის პროფესიას დაეუფლა და საბჭოთა
კავშირის დაშლამდე, ქუთაისის ხორცკომბინატში იმუშავა. ჭიჭიკო
კლდიაშვილი, ომის დასრულებიდან 75 წლის შემდეგაც, ერთადერთს –
მშვიდობას ნატრობს.
ჭიჭიკო
კლდიაშვილის მსგავსად, ფაშიზმზე გამარჯვებას ქუთაისში მცხოვრები კიდევ
13 ვეტერანი აღნიშნავს. მათ შორის ყველაზე ახალგაზრდა 95-ის, ხოლო
ყველაზე ხანდაზმული 101 წლისაა. ქუთაისის მერია თოთხმეტივე ვეტერანს
ფაშიზმზე გამარჯვებას მიულოცავს და საჩუქრად 1000–1000 ლარს
გადასცემს.
მეორე მსოფლიო ომში საქართველოდან 700 000
ადამიანი იბრძოდა, რომელთაგან დაახლოებით 200 000 ბრძოლის ველზე
დაეცა. დაღუპულთა შორის 10 152 ქუთაისელი იყო.
ფაშიზმზე გამარჯვებას მსოფლიო 8 მაისს აღნიშნავს, ვინაიდან გერმანიის კაპიტულაციის აქტს ხელი სწორედ ამ დღეს მოეწერა, აქტიური საბრძოლო მოქმედებები კი იმავე დღის მიწურულს შეწყდა. მოსკოვის დროით უკვე 9 მაისი დგებოდა. ამის გამო, 12 ყოფილი საბჭოთა რესპუბლიკა ფაშიზმზე გამარჯვებას 9 მაისს აღნიშნავს.
ფაშიზმზე გამარჯვებას მსოფლიო 8 მაისს აღნიშნავს, ვინაიდან გერმანიის კაპიტულაციის აქტს ხელი სწორედ ამ დღეს მოეწერა, აქტიური საბრძოლო მოქმედებები კი იმავე დღის მიწურულს შეწყდა. მოსკოვის დროით უკვე 9 მაისი დგებოდა. ამის გამო, 12 ყოფილი საბჭოთა რესპუბლიკა ფაშიზმზე გამარჯვებას 9 მაისს აღნიშნავს.
მსგავსი სიახლეები
11:32 / 11.10.2024
აკაკი წერეთლის სახელმწიფო უნივერსიტეტის
სტუდენტს, საბა ჭეიშვილს, საზოგადოების მხარდაჭერა
სჭირდება.
16:44 / 05.10.2024
"ჩემი ერთი ხმა არაფერს გადაწყვეტს"
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები