ქუთაისიპოსტი

იმერეთის რეგიონში "მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტის" ფარგლებში, წინასწარი მონაცემებით, დახმარებას 163 ათასზე მეტი ბენეფიციარი მიიღებს. აქედან, ხვნის ბარათს 114 756 ფერმერი.

აღნიშნულის შესახებ შეხვედრა სოფლის მეურენობის სამინისტროს წარმომადგენლებსა და იმერეთის რეგიონის მუნიციპალიტეტების ხელმძღვანლებს შორის გაიმართა.
სოფლის მეურნეობის პროექტების მართვის სააგენტოს ხელმძღვანელის, მარიანა მორგოშიას განმარტებით, აღნიშნული პროექტი უკვე სამი წელია წარმატებით ხორცილედება.
ბენეფიციარები, რომლებსაც გააცნიათ 0.25-დან 1.25 ჰექტარის ჩათვლით სახნავი მიწის ფართობი, მხოლოდ ხვნის ბარათს, 1 ჰექტარზე 140 ლარის გაანგარიშებით, მიიღებენ. ფერმერები, რომელთა საკუთრებაშია 0.25-მდე მიწის ფართობი წელს ისარგებლებენ 50 ლარიანი აგრო ბარათით, ხოლო ბენეფიციარები, რომლებიც 0.25-დან 1.25 ჰექტარის ჩათვლით მიწის ფართობს იყენებენ მრავალწლიანი კულტურების წარმოებისთვის, მიიღებენ 1 ჰექტარზე 140 ლარის ოდენობის სასოფლო სამეურენო საქონელს.
"მნიშვნელოვანია ინფორმაციების გაცვლა მოხდეს, თუ რა ხდება მუნიციპალიტეტებში საგაზაფხულო სამუშაოებთან მიმართებაში და ასევე, რა ხელშეწყობა აქვთ ჩვენი პროექტი ფარგლებში ფერმერებს", - განმარტეს სოფლლის მეურნეობის პროექტების მართვის სააგენტოს წარმომადგენლებმა.
წყალტუბოს მუნიციპალიტეტის გამგებლის, კონსტანტრინე მამისეიშვილის განმარტებით, საგაზაფხულო სამუშაოები მარტის დასაწყისიდან დაიწყება. მისი თქმით, 18 ერთული ტრაქტორი უკვე ჰყავთ, რომელსაც კიდევ 6 ერთეული ტრაქტორი დაემატება.
"მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტში", წელს 800 ათასი ფერმერი მიიღებს მონაწილეობას, რომლის ბიუჯეტი 50 მილიონ ლარს შეადგენს. მთავრობის ინიციატივით, სოფლის მეურნეობის სამინისტრომ და სოფლის მეურნეობის პროექტების მართვის სააგენტომ საგაზაფხულო სამუშაოების პროექტი 2013 წელს დაიწყო.

თეკლე მორგოშია