პროცესი ბათუმის საქალაქო სასამართლოში ამ წუთებში მიმდინარეობს. საქმეს მოსამართლე ნინო სახელაშვილი განიხილავს, რომელმაც არ დააკმაყოფილა ადვოკატების მოთხოვნა მოწმე პოლიციელების დაკითხვის შესახებ. საუბარია ორ პოლიციელზე, რომლებიც მზია ამაღლობელის ადმინისტრაციული დაკავების საქმეზე გამოიკითხნენ.

ნინო სახელაშვილმა, იმ მოტივით, რომ ადმინისტრაციულ საქმეში არსებობს მათი გამოკითხვის ოქმები, საჭიროდ აღარ მიიჩნია პოლიციელების სასამართლოში მიყვანა. დაცვის მხარე მიიჩნევს, რომ პროკურატურამ ამით თავი აარიდა ცრუ მოწმე პოლიციელების სასამართლოში წარდგენას, რათა კიდევ ერთხელ არ გამჟღავნებულიყო მათ მიერ მიცემული ცრუ ჩვენებები. დღესვე, არსებობდა მოლოდინი, რომ პროკურატურა მოწმის სახით გამოიძახებდა ბათუმის პოლიციის უფროსს, თუმცა, ირაკლი დგებუაძე სასამართლოში ჯერჯერობით არ დაუბარებიათ.