მშრომელები, რაიონში შექმნილ კრიზისზე პასუხისმგებლობას "ქართული ოცნების" მთავრობას აკისრებენ და მისგან პრობლემის მოგვარებას ითხოვენ. მაღაროელები აცხადებენ, რომ იმ პირობებში, როცა ჭიათურაში ყოველი მესამე ადამიანი სოციალურად დაუცველია, კომპანია "ჯორჯიან მანგანეზი" კი სამი თვეა ხელფასს არ რიცხავს, ჯანდაცვის სამინისტრო ვალდებულია თავისი მოსახლეობა ამ გასაჭირისგან იხსნას. მშრომელები, ასევე მოუწოდებენ ჯანდაცვის მინისტრს, უარი თქვას სამინისტროს სამმხრივი კომისიის სამუშაო ჯგუფში პროფკავშირების მონაწილეობაზე, რომელსაც მაღაროელები უნდობლობას უცხადებენ.