წყალტუბოს რაიონის სოფელ გუმათის ეკლესიაში გასული საუკუნის შემდეგ წირვა-ლოცვა აღარ ტარდება. ადგილობრივთა ინფორმაციით,  1880-იან წლებში აშენებული სალოცავი მე-20 საუკუნის 90-იან წლებში დაზიანდა, რის შემდეგაც ეკლესია ფაქტობრივად დაკეტილია.

გუმათში მცხოვრებლებმა ეკლესია საკუთარი სახსრებით რამდენჯერმე შეაკეთეს, თუმცა, ამბობენ, რომ სალოცავს მასშტაბური სამუშაოები სჭირდება, რისი შესაძლებლობაც სოფელს არ აქვს. 

ერთ-ერთ მთავარ პრობლემად მოსახლეობა სოფელში მღვდლის არარსებობასაც ასახელებენ.

გუმათის ეკლესიის შეწყვეტილი საუკუნოვანი ისტორია - ნახეთ ქუთაისიპოსტის სიუჟეტში



ქუთაის-გაენათის მიტროპოლიტი, მეუფე კალისტრატე ქუთაისიპოსტთან საუბარში ამბობს, რომ პრობლემაზე მრევლმა ეპარქიას თავად უნდა მიმართოს.

"პირველად მესმის თქვენგან. დაწეროს მრევლმა მომართვა ჩემს სახელზე და ხვალვე გადაწყვიტავთ მაგ საკითხს, - ამბობს მეუფე კალსიტრატე.