მოქალაქეების პროტესტს სასტიკი მეთოდებით პასუხობს ძალაუფლების სათავეში მყოფი პოლიტიკური პარტია. "ქართული ოცნების" სპეცრაზმმა უმოწყალოდ სცემა და დააკავა ასობით ადამიანი; პროტესტის ჩასახშობად მიიღეს კანონები, რომლებიც პრაქტიკულად კრძალავს შეკრებისა და გამოხატვის უფლებას. რეპრესიების მიუხედავად, მოქალაქეები პროტესტს არ წყვეტენ და გაჩერებას ახალი არჩევნების დანიშვნამდე არ აპირებენ.

უწყვეტი პროტესტი მიმდინარეობს ქუთაისშიც. მერიის შენობის წინ მოქალაქეები ყოველდღიურად იკრიბებიან და ახალი საპარლამენტო არჩევნების ჩატარებას მოითხოვენ. ქუთაისში აქციის მონაწილეები ამბობენ, რომ მათ საერთო მიზანი აქვთ და ამ მიზნის მიღწევამდე სახლში წასვლას არავინ აპირებს.